भांगरभूंय | प्रतिनिधी
म्हजें मत
म्हापश्यां ते पणजी मार्गाचेर गिरी ते पर्वरी मेरेन उड्डाण पुलाचें काम चालू आसा. पूण गाडयेकारांचे खास करून दुचाकी चलोवप्यांचे जे हाल जातात, ताका अंत उरूंक ना. सद्दां हजारांनी लोक ह्या मार्गा वयल्यान प्रवास करतात. तांचे कितले हाल जातात तें सरकारान पळोवचें.
हो पूल केन्ना उबो जातलो तें कळना. विकासाक आमचो विरोध ना. पूल 2027 त जाल्यार उपकारता, पूण रस्ते शक्य तितले बेगीन दुरुस्त करचे. कारण गाडयेकारांक पुलाच्या बांदकामाचो व्हडलोसो त्रास जायना, मात रस्त्याक लागून हाल-हाल सोंसचे पडटात. गिरी ते पर्वरे मेरेन फोंडकुलां, चिखल पातळ्ळा. चिखलांत दुचाकी निसरतात. पडलो जाल्यार म्हयनोभर घरांत बसचें पडटलें. आतां चवथ लागीं पावल्या. कोण पडलो, मोडलो जाल्यार तांच्या घरच्यांचें कितें जातलें. तेन्ना सरकारा कडेन विनवणी की तांणी बेगीन रस्ते दुरुस्त करचे. पुलाचें काम कितलींय वर्सां चल्लें म्हूण आमचें कांय म्हणणें ना.
– राजन सखाराम पोकळे
करासवाडो, म्हापशें
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
