भांगरभूंय | प्रतिनिधी
पिलारच्या फादर आग्नेल हायस्कुलाच्या पंगडाक 3-2 अशा गोल फरकांनी हारोवन गिरीच्या सेंट अॅंथनी हायस्कुलान राज्य पांवड्या वयली आंतर शालेय हॉकी सर्त जिखली. मॅच पेड्डेंच्या हॉकी टर्फ मैदानाचेर जाली.
सेंट अॅंथनी हायस्कुला वतीन मोहन, सुरज आनी नॅशोन हाणें एकेक गोल केलो. जाल्यार फादर आग्नेल हायस्कुला वतीन एडीमचुबे आनी विशाल हांणी एकेक गोल केलो.
ह्या जैतान सेंट अॅंथनी हायस्कुलाचो पंगड दिल्लीच्या शिवाजी स्टेडियमाचेर जावपी जवाहरलाल नेहरू हॉकी सर्ती खातीर पात्र थारलो. मजगतीं, म्हापशेंच्या जनता हायस्कुलान गुडी-पाड्डेच्या दामोदर इंग्लीश हायस्कुलाक 2-1 हारोवन तिसरी सुवात मेळयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
