भांगरभूंय | प्रतिनिधी
पणजी, प्रतिनिधी : म्हाला विशीं वा तरेकवार सेवां विशी गिरायकांक कागाळ नोंद करपा खातीरच्या हेल्पलायनीचो फाल्यां सोमारा सुरवात जाता. नागरी पुरवण मंत्री रवी नायक हांचे हस्तुकी ती सुरू जातली, अशी म्हायती नागरी पुरवण संचालक जयंत तारी हांणी दिली.
राष्ट्रीय गिरायक हक्क दिसा निमतान फाल्यां 23 डिसेंबराक पणजे कार्यावळ जातली. सकाळीं 10.30 वरांचेर जावपी कार्यावळीत राज्य गिरायक हेल्पलायन सुरु जातली. खात्याचे सचीव संजीत रॉड्रिग्ज हे खाशेले सोयरे म्हूण हाजीर आसतले. राज्य गिरायक आयोगान काय इतिहासीक निवाडे दिल्या. तांचो आस्पाव आशिल्ल्या नेमाळ्याचें विमोचन जातले. गिरायकाचे हक्क, जापसालदारी आनी कायदो हे विशयाचेर डायरेक्ट सेलींग टुडेचे संपादक राहुल सुदन हांचे भाशण जातलें.
बरेच खेपो एक्सपायरी डेट जाल्या उपरांताचो म्हाल गिरायकांक दुकानां तल्यान खरेदी करचो पडटा. हे विशीं, तशेंच वेपाऱ्यां आड हे हेल्पलायनीचेर कागाळ करपाक मेळटली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
