भांगरभूंय | प्रतिनिधी
भांगरभूंय । खबरां मेज
पणजीः हिंदू समाजांतलें विघटन आनी उप्रासल्ल्या नव्या आव्हानांक समर्थपणान तोंड दिवपा खातीर गांवागावांनी बेगोबेग नित्यसिद्ध शक्ती केंद्रा उबीं करप ही आमची प्राथमिकता आसा अशें भारत माता की जय सघाचे राज्य संघ चालक प्रा. सुभाष वेलिंगकार हांणी सांगलें.
भारत मात की जय सघाच्या गोंय राज्य प्राथमीक वर्गाच्या समारोप कार्यावळींत ते उलयताले. व्हो प्राथमीक वर्ग म्हणल्यार त्या यत्नांची नांदी आसा. अश्या यत्नांक समाजांतल्या वेगवेगळ्या घटकांनी वांगोड दिवंन सहकार्य करचें अशे ताणी मागलें. प्राथमीक वर्गाचें शिक्षण आनी प्रशिक्षण मेळ्ळां ताचो उपेग करून पुराय गोंयांत फाट्याचें जाळ तयार करपाक जाय आनी येवपी शती महोत्सवांत 100 फाट्यांचो संकल्प पुराय जावपाक जाय अशें ताणी सांगलें.
सात दिसांचो व्हो प्राथमीक वर्ग सावरगाळ- दाबाळ हांगच्या सोमनाथ इंग्लिश हायस्कुलांत जालगोंय आनी दोडामार्ग तालुको मेळून सगल्या 20 प्रखंडांतल्यान 90 विद्यार्थी तातूंत वांटेकार जाल्ले. वर्गांत शारिरीक आनी बौद्धिक शिक्षण आनी हेर संस्काराचें शिक्षण दिलें. समारोपा वेळार विद्यार्थ्यांनी शारिरीक आनी बौद्धिक विशयांची प्रात्यक्षिंका सादर केलीं.
समारोप कार्यावळी वेळार माचयेर भारत मात की जय संघाचे कार्यवाह प्रा. प्रविण पुनाजी नेसवणकर, वर्गाधिकारी मुकुंद पुंडलिक कवठणकार, वर्ग कार्यवाह सुनील गणपत मेतर तशेंच थळावी सरपंच रुक्मिणी गांवकार,आदले मुख्याध्यापक श्गिरीश तेंडूलकार आशिल्ले . सुनील मेतर हाणे वर्गाचो अहवाल सादर केलो. मानेस्तांची वळख सहकार्यवाह संदिप विश्राम पाळणीन करून दिली. वर्गाचो व्यवस्था प्रमुख शिवानंद विठोबा देसायना उपकार मानले. कार्यावळीचें सूत्रसंचालन विनय प्रेमानंद नायकान केलें. वर्ग येसस्वी करपा खातीर सोमनाथ इंग्लिश हायस्कूलच्या व्यवस्थापनाचे मोलादीक सहकार्य केलें. गोंयांतल्यान आनी दोडामार्ग तालुक्यांतल्यान वर्गा खातीर निधी आनी हेर सामान जमा केल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
