भांगरभूंय | प्रतिनिधी
भांगरभूंय । खबरां मेज
पणजीः स्वामी ब्रह्मानंद संस्कृत प्रबोधिनीच्या ब्रह्मानंद संस्कृत पाठशाळे वतीन गाळवाडो- निरंकाल हांगा बाल संस्कार शिबीर जालें. भुरग्यांक देव- धर्माच्यो गजाली शिकोवन तांच्या मनांत राष्ट्राभिमान वाडल्यात व्हडलीं जातगीर ती स्वधर्मनिश्ठ जातलीं अशें मुख्य शिक्षिका संगीता नायक हिणे शिबिराचे उक्तावण कार्यावळींत सांगलें.
संस्कार शिबिराची सुरवात दिवपी पेटोवन जाली. मानेस्तांक संत समाज अध्यक्ष सतीश गुरुजीन केलें. लक्ष्मी नारायण गांवस, स्वानंदी गावडे हांणी भुरग्यांक स्तोत्र, देवाची स्तुती, श्लोक आनी संस्कृत संभाशण शिकयलें. भुरग्यां वांगडा तांचे पालक शिबिरांत वांटेकार जाल्ले. ताणी आपले अणभव सांगलें. संत समाजा वतीन घेतातत्या शिबिराचो लाब संस्कार जाल्ली पिळगी घडोवपाक जातलो अशें पंच वांगडी चंद्रकांत सामंतान सांगलें.
उक्तावण कार्यावळीक गाळवाड्याचो पंच अक्षय गांवकार, प्रभा मायणेकार, पुष्पा बोरकार, सीताराम गावडे, लक्ष्मी नारायण गांवस हाजीर आशिल्ले. सद्गुरूच्या नामघोशान शिबिराचो समारोप जालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
