भांगरभूंय | प्रतिनिधी
कुडटरीच्या मायणा स्पोर्ट्स क्लबाक टायब्रेकरांत 7-6 अशा गोल फरकांनी हारोवन कुडचडेंच्या गार्डीयन अॅंजेल स्पोर्ट्स क्लबान बाणावलीच्या दांडो बॉयसान आयोजीत केल्ली बाणावली व्हिलेजर्स करंड फुटबॉल सर्त जिखली. मॅच सेंट जॉन बाप्तिस्त मैदानाचेर जाली.
निर्धारीत वेळाच्या खेळांत दोनूय क्लब गोलाविणें बादाबाद उरिल्ल्यान निकाल लावपाक टायब्रेकराचो आदार घेवचो पडलो. टायब्रेकरांत गार्डीयन अॅंजेला वतीन रायन मिनेझीस, प्रेस्टन कास्तान्हा, सिरील डायस, गॉडवीन कोस्टा, इव्हो कोस्टा आनी फॅड्रीक फर्नांडीस हाणें गोल केले. मायणा वतीन जॉयवीन कार्नेरो, जॉव्हल मार्टिन्स, निकसन कास्तान्हा, कायतान व्हिएगस आनी मॅल्डिन फर्नाडीस हाणें गोल केले.
ह्या जैतान गार्डीयन अॅंजेल स्पोर्ट्स क्लबाक 50 हजार आनी करंड फावो जालो, मायणा क्लबाक 40 हजार आनी करंड भेटयलो. इनामां भेटवण सुवाळ्याक मुखेल सोयरे म्हणून साव्हियो आलेमांव उपस्थीत आशिल्ले.
वैयक्तीक इनामांः नावेली व्हिलेजर्स युनियन (शिस्तीचो पंगड), जॉन्सन भोगोत (फायनलींतलो उत्कृश्ट गोलकीपर, मायणा स्पोर्ट्स क्लब), सिरील डायस (फायनलींतलो उत्कृश्ट मिडफिल्डर, गार्डीयन अॅंजेल स्पोर्ट्स क्लब), मिलाग्रीस फर्नांडीस ( फायनींलतो उत्कृश्ट स्ट्रायकर, मायणा स्पोर्ट्स क्लब), जॉयवीन कार्नेरो (फायनलींतलो उत्कृश्ट खेळगडो, मायणा स्पोर्ट्स क्लब), मिल्टन फर्नांडीस ( फायनलींतलो उत्कृश्ट गोल, गार्डीयन अॅंजेल स्पोर्ट्स क्लब), वॅलरॉय कार्व्हालो (फायनलींतलो उत्कृश्ट डिफॅण्डर, गार्डीयन अॅंजेल स्पोर्ट्स क्लब).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
