भांगरभूंय | प्रतिनिधी
म्हापसा : कुंभारवाडा, शेळपें- धुळेर रान खात्यान केल्ले धडक कारवायेंत गारांचे कांती पसून तयार केल्लीं १४ घुमटां आनी ४७ गारी ह्या संरक्षित प्रजातींच्या कांतींचो सांठो जप्त केलो. तशेंच गॅब्रिएल ह्या थळाव्याक अटक केली.
गारींचो आसपाव रानजीव संरक्षण कायदो १९७२ खाला संरक्षीत जनावरां मदीं आसा. ह्या जनावरांच्या कांतीचो वापर खंयचीय वस्तू वा जेवण करपाक खर गुन्यांव मानतात. गोंयांत परंपरीक परबो मनयतना वाद्य म्हणून वापरपी घुमटां खातीर ह्या जनावरांचे कांतीचो वापर करतात.
मजगतीं, हे विशीं रान अधिकार्यांनी दिल्ले म्हायती प्रमाण, गॅब्रिएल हांचेर १५ वर्सां पयलीं अशेच तरेचो गुन्यांव दाखल केल्लो. तेन्ना तचे कडल्यान ९६० घुमटां जप्त केल्लीं. ताचे आड रान जीव संरक्षण कायद्या प्रमाण गुन्यांव दाखल केला, ह्या प्रकरणाचो पुलीस फुडें तपास करतात.
गोंयांत अशे तरेच्यो रान जीव तस्करीच्याग घडणुको आडावपा खाती जनतेन सहकाय करचें आनी कसलेच तरेचो दुबाव आयल्यार रोखडीच म्हायती दिवची, असो उलो रान खात्याच्या अधिकार्यांनी मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
