भांगरभूंय | प्रतिनिधी
अनवळखी मनीस घरां मुखार आपली गाडी पार्क करून एक-दोन वरां गायब जाता तेन्ना खूब चिडचिड जाता. कारण हाका लागून तुमका तुमची गाडी भायर काडूंक मेळना. दुसरें म्हणल्यार तुमची गाडी पार्क करपाची सुवात दुसरो मनीस घेता. हे परिस्थितींत आमी तो मनीस येवपाची वाट पळयत बसता. पूण आतां गाडयेच्या मालकाची पुराय म्हायती ताच्या नंबरावयल्यान मेळू शकता.
गाडी मालकाची म्हायती कशें जाणून घेतलें?
गाडी मालकाची पुराय म्हायती जाय जाल्यार एसएमएस, mParivahan वेबसायट आनी अॅपा वरवीं पुराय तपशील मेळूं येता. हाचे खातीर तुमकां जाय जाल्यार थर्ड पार्टी अॅप्लिकेशनांचीय मजत घेवंक मेळटा.
इंटरनॅट नासतना वाहन मालकाची म्हायती कशी जाणून घेवप….
० तुमच्या फोनाचेर संदेश ॲप उगडात.
० आतां VAHAN <वाहन प्लेट नंबर> टायप करात, देखीक: VAHAN MH01TR3522.
० आतां हो एसएमएस 7738299899 ह्या नंबराचेर धाडचो.
० मेसेज धाडपाक एक रुपया शुल्क घेतात.
० संदेश धाडल्या उपरांत तुमकां एक संदेश येतलो, तातूंत तुमकां गरजेची म्हायती मेळटली.
० कांय मिण्टां भितर तुमकां एक एसएमएस मेळटलो, तातूंत वाहन धनयाचें नांव, आरटीओचो तपशील, आरसी, विमो आदी सगळी म्हायती आसतली.
वेबसायटी वयल्यान म्हायती कशी तपासची…
० सगळ्यांत पयलीं तुमच्या फोनांत mParivahan अॅप डावनलोड करून इंस्टॉल करात.
० वा वाहन संकेतथळार https://vahan.nic.in/ चेर वचून वाहन नोंदणी क्रमांक घालात.
० क्रमांक घाले उपरांत लेन्स चिन्नाचेर क्लिक करात. तो वाहन क्रमांक घाल्या उपरांत सर्च करात.
० हाचे उपरांत तुमकां त्या वाहनाची पुराय म्हायती जशें वाहन मॉडेल, वाहन नोंदणी तारीक, नोंदणी प्राधिकरण आनी धनयाचें नांव कळटलें.
ह्या पध्दती वरवीं मोटार धनयाचें नांव जाणून घेयात…
भारत सरकारान हे खातीर mParivahan नांवाचो अॅप तयार केला, जो तुमी गूगल प्ले स्टोराचेर वचून सहजतायेन डावनलोड करूंक शकतात. वाहन येरादारी अॅपांत लॉग इन करात. हाचे उपरांत तुमची आरसी स्थिती तपासात आनी त्या गाडयेचो नंबर प्लेट क्रमांक घालात. मागीर दिल्लो कॅप्चा कोड घालून वाहन सोद पर्याय निवडात.
ते भायर, तुमी “आरटीओ वाहन म्हायती”, “वाहन मालक तपशील”, “कार म्हायती” आदी थर्ड-पार्टी ऍप्लिकेशनांचो वापर करून मोटार धनयाचो सोद घेवंक शकतात. थर्ड पार्टी ॲप्स वापरतना जतनाय घेयात. तुमचे कडेन वाहन विमो दस्तावेज आसल्यार तातूंत वाहन मालकाचें नांव आनी पत्तो दाखयतले वा वाहनाच्या आरसी पुस्तकांत वाहन मालकाचें नांव आनी पत्तोय दाखयतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
