भांगरभूंय | प्रतिनिधी
नवी दिल्ली, खबरां संस्था ः गाडयांचेर फॅन्सी नंबर प्लेट (Fancy Number Plate) लावपाची आसल्यार आतां ती आनीक म्हारग जावपाची आसा. कारण आतां गाडयांचेर फॅन्सी नंबर प्लेट लायल्यार सरकार जीएसटी घेतलें. भारतांत फॅन्सी नंबर प्लेटींचेर 28 टक्के जीएसटी लावपाची तयारी सरकार करता. फॅन्सी नंबर प्लेटींचेर सरकार जीएसटी लागू करतलें. तसो प्रस्ताव हालींच अर्थ मंत्रालयाक धाडला.
लाखांनी रुपयांक फॅन्सी नंबराची पावणी
गाडयांक नंबर प्लेटी वा नोंदणी प्लेटीचें वाटप राज्य सरकाराचे अधिकारी करतात. राज्य सरकारां आनी आरटीओ फॅन्सी क्रमांक दिवपा खातीर पावणी करतात, जाचे खातीर वेगळें शुल्क घेतात. जायते फावट फॅन्सी नंबराची लाखांनी रुपयांक पावणी जाता आनी लोकूय आपल्या गाडयांक फॅन्सी नंबर लावपाक लाखांनी रुपया खर्च करतात. कांय राज्यांनी गिरायकान दिल्ल्या निमाण्या बोलीच्या दराचेर 18 टक्के जीएसटी घेतात.
फील्ड फॉर्मेशन्स म्हणल्यार कितें?
फील्ड फॉर्मेशन्स हीं सगळ्या राज्यांनी आनी विभागांनी आशिल्लीं केंद्र सरकाराचीं कार्यालयां, जीं कर वसुलीची जापसालदारकी सांबाळटात. कर वसुली वांगडाच कर संबंदीत नेम चालीक लावपाची आनी करदात्यां कडेन संवाद सादपाचीय जापसालदारकी फील्ड फॉर्मेशन्स कडेन आसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
