भांगरभूंय | प्रतिनिधी
अनुष्का गांवस: हिवरें मुळावे शाळेचो इनामां भेटवण सुवाळो उमेदीन
वाळपय: गांवगिर्या वाठारांतल्या भुरग्यांक दुबळे अशें समजून घेवचें न्हय. तांचे भितर बरे तरेन बुद्धिमत्त्व भरिल्ली आसता. शिक्षकांनी हे बुध्दीक तेंको दिलो जाल्यार गांवगिर्या वाठारांतले भुरगे लेगीत समाजांत बरे तरेन पर्जळपाक शकतात. पूण तांकां आवय-बापायचो सतत आदार मेळप खूब गरजेचें. गांवगिर्या वाठारांतल्यो सरकारी शाळा दर्जेदार शिक्षण दिवपाक लागल्यात. हाका लागून पालकांनी गांवगिर्या वाठारांतल्या सरकारी शाळांनी भुरग्यांचीं नांवां नोंद करचीं अशी मागणी हिवरें बुद्रूकची पंच वांगडी अनुष्का गांवस हांणी केल्या.
सरकारी मुळावें विद्यालय हिवरें बुद्रूक ह्या विद्यालयाचो वर्सुकी इनामां भेटवण सुवाळो आनी चोवथेच्या भुरग्यांचो निरोप सुवाळो हालींच जालो. हे कार्यावळीक मुखेल सोयरी म्हणून अनुष्का गांवस उलयताली.
ह्या वेळार माचयेर ठाणे सरकारी माध्यमीक विद्यालयाचे मुख्याध्यापक काशिनाथ नायक, विद्यालयाचे जेश्ठ शिक्षक गणेश गावडे, हिवरें बुद्रूक सरकारी मुळाव्या विद्यालयाची कार्यकारी मुख्याध्यापिका कल्याणी गावडे, थळावे आदले पंच वांगडी महादेव ढोलो गांवकार, विद्यालयाचे सहशिक्षक दामोदर गांवकार, शाळा वेवस्थापन समितीचे अध्यक्ष प्रणाली गांवकार, उपाध्यक्ष दिशा गांवकार हे हाजीर आशिल्ले.
हिवरेंचे शिक्षक भुरग्यां खातीर सतत उपक्रम आयोजीत करतात. अश्या उपक्रमां वरवीं भुरग्यां मदीं उमेद निर्माण जाता. ताका लागून येवपी काळांतूय अशेच तरेच्या उपक्रमां वरवीं हे शाळेक आदर्श निर्माण करून दियात असो उलो अनुष्का गांवस हांणी मारलो.
विद्यालयांत आयोजीत केल्ल्या उपक्रमांत भुरग्यांनी व्हडा प्रमाणांत वांटो घेतलो. हे खातीर आयोजीत उपक्रमांनी व्हडा प्रमाणांत भुरग्यांनी वांटो घेतिल्ले खातीर सगळ्या भुरग्यांची आनी तांच्या पालकांचें गांवस हांणी उपकार मानले.
ठाणे सरकारी माध्यमीक विद्यालयाची मुख्याध्यापक काशिनाथ नायक हांणी विद्यालया वतीन दरवर्सा बरे तरेन उपक्रम आयोजीत करतात. ताका लागून भुरग्यांक विवीध तरेचें गिन्यान उपलब्ध जायत आसता अशें सांगलें.
विद्यालयाचे ज्येश्ठ शिक्षक गणेश गावडे हांणी ह्या वेळार आपले विचार मांडले. विद्यालयाची कार्यकारी मुख्याध्यापिका कल्याणी गावडे हांणी सगळ्यांक येवकार दिलो आनी प्रास्तावीक केलें.
फाटल्या वर्सा आयोजीत केल्ल्या विवीध उपक्रमांतल्यान जैत फावो जाल्ल्यांक मानेस्तां हस्तुकीं इनामां भेटयलीं.
सुरवातेक परंपरीक रितीन दिवली पेटोवन कार्यावळ सुरू जाली. माचयेर हाजीर आशिल्ल्या मानेस्तांक फुलां तुरे भेटोवन येवकार दिलो. पुराय कार्यावळीचें सुत्रसंचालन प्रमिला दामोदर गांवकार हांणी केलें. निमाणें शिक्षक
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
