भांगरभूंय | प्रतिनिधी
डॉ. शेट्ये : मुळगांवां उदरगत येवजणेच्या कामाक सुरवात
भांगरभूंय । प्रतिनिधी
दिवचल : दिवचल मतदारसंघांतल्या गांवगिऱ्या वाठारांतल्या लोकांक अपेक्षीत आनी सध्या गरज आशिल्ली उदरगत करपाचेर भर दिला, अशें दिवचलचे आमदार डॉ. चंद्रकांत शेट्ये हांणी सांगलें.
आमदार निधींतल्यान 27 लाख रुपया खर्च करून रवळनाथ देवळा कडलो रस्तो दुरुस्ती आनी अस्तित्वांत आशिल्ल्या मार्गाक जोडून राखणे वणत बांदपाच्या कामाक सुरवात करून दितना डॉ. शेट्ये उलयताले. ह्या वेळार जिल्हो पंचायत वांगडी प्रदीप रेवोडकार, उपसरपंच गजानन मांद्रेंकार, पंच तृप्ती गाड, विशालसेन गाड, श्री केळबाय देवस्थानाचे अध्यक्ष कृष्णनाथ परब, रश्मी मयेंकार, देवस्थानाचे हेर पदाधिकारी आनी गांवचे लोक व्हड संख्येन हाजीर आशिल्ले. शारांतले उदरगती वांगडाच गांवचे लोक, पंचायत मंडळ आनी देवस्थान समिती एकवटींत जावन काम केलें जाल्यार गांवची उदरगत जावपाक शकता. गांवच्या पंचायत मंडळान ह्या कामा खातीर बरो आदार दिल्ल्यान पंचायत मंडळाचे आमदारान उपकार मानले. तशेंच आडावल्ल्या कामाक गती आयिल्ल्या गांवच्या लोकांनी आमदार डॉ. शेट्ये हांचे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
