भांगरभूंय | प्रतिनिधी
Eye to eye makes the world blind. हो नारो दीत झटले ते. अहिंसेच्या मार्गार चलले ते. जिवाची पर्वा करिनासतना झुजले ते. सगळ्यांचें एक एक स्वप्न उरता. तशेंच गांधीजीचेंय आशिल्लें. तांचे सगळ्यांत व्हडलें स्वप्न म्हणल्यार अहिंसा. तांकां अशें दिसतालें, हिंसा करून कितें मेळपाचें आसा? फक्त घरां – दारां अस्त व्यस्त जातात.
तांचें दुसरें स्वप्न म्हणल्यार समानताय. शिक्षण हक्कांत समानताय, धर्म जातींनी समानताय पूण खर्या आयुश्यान हें साकारता? स्वताक प्रस्न करात.
तिसरें म्हणल्यार दादलो बायलेक एके नदरेन पळोवप. अशें म्हणटात दर एका यशस्वी दादल्या फाटल्यान एक बायल आसता. ना. म्हाका अशें दिसता दर एका यशस्वी दादल्या बरोबर एक बायल आसता.
तांचें चवथें स्वप्न म्हणल्यार तांकां अशें दिसतालें जितलो वांटो दादल्यांचो सत्याग्रहान आसता तितलोच वांटो बायलांचो आसपाक जाय. तांचीं उदाहरणां म्हणल्यार सरोजिनी नायडू जिका आमी nightingale of India अशेंय म्हणटात, कमला नेहरू आनी तिसरी तर तांची
स्वताची घरकान्न कस्तुर्बा गांधी.
अशें म्हणटात गांधीजी बंदखणींत
आशिल्ले तेन्ना तांचो कारभार तीच सांबाळटाली.
आतां जश्यो नाण्याक दोन बाजू आसतात तशीच आमी नाण्याची एक बाजू पळयली तर दुसरी बाजू पळोवया. म्हणल्यार आमच्या देशांत अश्योय बायलो आसात जांचें ल्हान आसतनाच लग्न जाता आनी तांची शिकपाची आवड, तांचें स्वप्न खंय तरी शेणून वता आनी त्यो बाल विवाहाक बळी पडटात. सरकारान हाचेर बंदी हाडल्या पूण आमी आमच्या मनांतल्यान ह्या विचारांचेर बंदी हाडल्या?
तुमकां कितें दिसता, गांधीजी जर ह्या संवसारांत आशिल्ले जाल्यार कितें चिंतता आशिल्ले? म्हाका तर दिसता ते संभ्रमांत पडटा आशिल्ले. पूण आमचो देश गांधीजीच्या स्वप्नांतलो देश जावपाक लागला अशें दिसता. बायलांचें शिकपाचें प्रमाण वाडलां. पूण हिंसा? देशां भितरली, देशांतल्या लोकां भितरली हिंसा अजून सोंपूंक ना. अशें कशें?
स्पृहा आचार्य
यत्ता आठवी, रवीन्द्र केळेकार ज्ञानमंदीर, मडगांव
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
