भांगरभूंय | प्रतिनिधी
पावसान विसव घेतिल्ल्यान कामाक गती
भांगरभूंय । प्रतिनिधी
पणजी : पावसान विसव घेतिल्ल्यान गवंडाळी रेल्वे उड्डाण पुला खातीर पयलो खांबो घालपाचें काम सुरू जालां. माती काडपा सयत खांबाची बुन्याद घालपाचो वावर सुरू आसा. रेल्वे क्रॉसिंगाचो रस्तो सुरू दवरून चडांत चड काम पुराय करतले, अशी म्हायती थळावे आमदार राजेश फळदेसाय हांणी दिली. आमदार राजेश फळदेसाय हांचे हस्तुकीं 21 मेक उड्डाण पुलाच्या बुन्यादी फातर बसोवपाची कार्यावळ जाली. ते उपरांत पावसान नेट घेतलो. हाका लागून कामाक नेट नाशिल्लो. फाटले दोन दीस पावसान विसव घेतला. हाका लागून उड्डाण पुलाच्या कामाक नेट आयला. उड्डाण पुलाच्या कामाची निविदा फाटल्या नोव्हेंबरांत जारी जाल्ली. रेल्वे क्रॉसिंगा कडलो रस्तो बंद दवरपा विशींची अधिसुचोवणी जारी जाल्ली. नोव्हेंबरांत शवदर्शन सुवाळो जालो. हाका लागून काम सुरू जालें ना. शवदर्शन सुवाळ्या उपरांत वर्क ऑर्डर जारी जावपाक उशीर जालो. आतां वर्क ऑर्डर जारी जाल्यान कामाक सुरवात जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
