भांगरभूंय | प्रतिनिधी
पणजी : गवंडाळी रेले उड्डाण पुलाच्या बुन्यादीचें काम पुराय जालां. पुलाचें २५ टक्के काम पुराय जालां, अशी म्हायती जीएसआयडीसीच्या अधिकार्यांनी दिली. जानेवारी मेरेन पुलाचें काम पुराय करपाचे कंत्राटदाराचे यत्न आसा, अशें तांणी सांगलें.
उड्डाण पुलाच्या सगळ्या खांब्यांच्या बुन्यादीचें काम जाला. आतां खांबे उबारपाचें काम सुरू आसा. काम नेटान जावपा खातीर रस्तो बंद करप गरजेचें थारता. गवंडाळी उड्डाण पुला खातीर ४५ कोटी रूपया खर्चाची निविदा जारी जाल्या. पुलाचें काम नेटान जावपा खातीर २३ जुन सावन गवंडाळीचो रस्तो बंद करपाचो निर्णय जालो. आतां सकाळीं आनी सांजे पाचा उपरांतूच रस्तो उक्तो आसता.
पुलाचें काम फाटले वर्साच सुरू जावपाचें आसलें. सेंट झेवीयर शव दर्शन सुवाळ्याक लागून तें फुडें धुकल्लें. आतां कामाच्या सुवातीचेर व्हड मशिनरी कायमस्वरूपी आसता. कामाच्या गतीचो विचार केलो जाल्यार जानेवारी मेरेन काम पुराय जातलें, असो विस्वास जीएसआयडीसीच्या अधिकार्यांनी उक्तायला
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
