गर्मी जाता मनशाक लागून

भांगरभूंय | प्रतिनिधी

ह्या पावसाळ्यांत आमी खूब झाडां लावया आनी दोंगर कापणी टाळुया. जेणे करून फुडल्या वर्सा गर्मी कमी जातली, वेळार पावस पडटलो.

जून म्हयनो लागलो तरी पावसान नेट धरूंक ना. सध्या खूब गर्मी जाता. भायर गेल्यार घामान कपडे लेगीत ओले जातात. कात वतान करपता आनी तकली लेगीत जड जाता. घरांत रावल्यार लेगीत गर्मी जाता. गरम उब मारिल्ल्यान आयदनांत घालून उकडिल्ले सारकें दिसता. घामाच्यो पावळ्यो ओततात. ही गर्मी आमकां दनपारची कशीच न्हिदूंक दिना, कितें करपाचेंर तें कांयच कळना. फॅनाचें वारे लेगीत लागना. थंड उदक पिल्यार लेगीत थंडसाण मेळना.
हे सगळें कित्याक लागून जाता? कशे जाता? आरे, हें सगळें मनशाक लागून जाता. आमीच हो काळ हाडला. तरी अजून कांय जावंकना. खूब कितें जावपाचें आसा. हें सगळें कलीयूग. देव दिता आनी देंवचार नाडटा. मात्तूय दुबाव ना. देवान इतलें सगळें आयतें दिल्लें मनशाक पळोवंक जायना. सुवार्था खातीर सैमाची नाशाडी करुंक लागल्यात ते. मनशाचेर सांवार आयला. हातूंतल्यान जाता तितले बेगीन आमी सावरपाची गरज आसा. नाजाल्यार वायट दीस लागींच आसा.
मनशाक मातयेचीं घरां नाका जाल्यांत. मातयेचे नळे नाका जाल्यात. नळ्यांची घरा मोडून स्लॅबाचीं घरां बांदपाची दरेकल्याक तान लागल्या…. आनी त्या खातीर मनीस दिसान दीस झाडां कापून, कुळागरांतले माड, माडयो मारून ते विकून वा त्या जाग्यार घरां, बंगले बांदपाक लागल्यात. आमच्या जाटल्यांनी आमचे खातीर लायिल्लीं झाडां- पेडां मनीस कापूंक लागल्यात. व्हडल्या उद्देगांक लागून प्रदुशण खुब वाडलां. मनशाक तरेतरेची दुयेंसां जावंपाक लागल्या. ताचें आयुश्य कमी जावंक लागलां. मेळत थंय झाडां, दोंगर कापणी चालू आसा. तीय बेकायदेशीर. हाकाच लागून सैम आमचेर बेजार आसा. आमी सैमाक त्रास करतात म्हूण तो आमकां त्रास करता. जर आमी ताची काळजी घेत, झाडां -पेडां लावन सैमाची देखभाल करीत जाल्यार सैमुय आमची काळजी घेतलो.
ह्या पावसाळ्यांत आमी खूब झाडां लावया आनी दोंगर कापणी टाळुया. जेणे करून फुडल्या वर्सा गर्मी कमी जातली, वेळार पावस पडटलो. आनी फक्त झाडां लावन सोडपाक जायना, तर तांची वर्सभर काळजी घेवपाक जाय. तीं जितीं उरूंक जाय. आतां तरी आमी फुडाराचो विचार करुया.
फुडले पिळगेक सुख दवरूया.
तेंचे खातीर आमी सैम राखुया.
मनशा आतांच जागो जा, अजून वेळ
वचूंक ना, झाडां पेडां लाय आनी
सैम राख, दोगर पोखरूपाचें थांबय
नाल्यार मागीर ‘देवा तुंच आमकां पाव’
अशे म्हणपाचे दीस पयस ना आनी
देवाक दोश दिवन कांय फायदो ना कारण
देवान दिल्ले आमी वगडयत आसात.
मनशा आसा तेतुंत समाधानी राव रे
झाडां- पेडां, दोंगर कापून इमारती बांदू नाका रे.
मनशा आता तरी जागो जा रे,
फुडाराचे मात तरी विचार कर रे.

नेहाल प्रियोळकार
8806074094