भांगरभूंय | प्रतिनिधी
गोंयांत सध्या गरमेचे दीस सुरू जाल्यात. ह्या दिसांनी जाता तितलें शीतळ अशें पिवपाक जाय आनी आपलीं काळजी घेवपाक जाय, खास करून भुरग्यांनी. दनपारच्या वता भारार शक्य जाता तितलें भायर वचपाचें कमी करपाक जाय. कसलेंच काम करतना वा कुडीची जतनाय घेवपाक जाय. भायर वतना सकाळीं णवां पयलीं वचपाचें. बाजारांत पसून वतना. नाजाल्यार सांजवेळा साडेपांचाक उपरांत.
ह्या दिसांनी तान लागता. तेन्ना जाता तितलें उदक पिवपाक जाय. हालींच्या भुरग्यांक तापयल्लें, तापोवन थंय केल्लें उदक आवडनात. तीं झेलाद उदक पियेतात. नाजाल्यार थंड पेयां. हीं कुडीक माल. लिंबू सरबत, ताक, जिऱ्याचें उदक पियेवप बरें. खंयूय वतना स्वताची उदकाची बाटली वांगडा घेवप गरजेचें. फकत आवयच्या दुदाचेर आशिल्ल्या भुरग्यांक गरमेच्या दिसांनी चड वेळ दुद दिवपाची गरज आसता.
गरमेक लागून तकली सणसणप, घुंवळ येवप, थकपाक जायव असल्यो पिडा जातात. आंगांक कालोर जाता. भुरग्यांक दनपारच्या वेळार वताक खेळपाक दिवचें न्हय. गरमेच्या दिसांनी आमकां रानवटी फळां खावपाक मेळटात, तीं खावचीं. शक्यतो चिकन, मटण, मसाल्याचें, तेलकट जिनस ह्या दिसांनी खावचे न्हय. खाल्यार एक- दोन फोडी, भजीं अशे तरेन. जिबेचेर नियंत्रण दवरल्यार भलायकी इबाडपाचो वेळ येना.
– श्रेया तळवडकार
8308526377
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
