भांगरभूंय | प्रतिनिधी
भांगरभूंय । प्रतिनिधी
म्हापशेंः गणेशपुरी- म्हापशें हांगच्या श्री गणेश मंदिरांतल्या श्री गणेशाची पुनः प्रतिश्ठापना सुवाळो 22 ते 27 मार्च मजगतीं धर्मीक आनी सांस्कृतीक कार्यावळींनी जातलो. देवस्थानाचो अध्यक्ष सत्यवान भिवशेट हांणे सोमाराक एके पत्रकार परिशदेंत ही म्हायती दिली. ह्या वेळार गुरुदास नाटेकार, पांडुरंग बाणावलीकार, विश्वास पिळणकार, सोमनाथ नायक, गोकुळदास नागवेकार, रामकृष्ण नावेलकार हाजीर आशिल्ले.
पुनः प्रतिश्ठापना 27 मार्चाक जातली. गुडी पाडव्या निमतान कुडाळच्यान सांजे 5 वरांचेर श्रीची मूर्त म्हापश्यांत पावतली. गणेशपुरी हांगच्या बँक ऑफ इंडिया कडल्यान मिरवणुकेन मूर्ती देवळांत हाडटले. 22 तें 27 मेरेन देवळांत धर्मीक विधी आनी सांजे सांस्कृतीक कार्यावळी जातल्यो.
27 मार्चाक करवीरपीठ शंकराचार्य जगद्गुरू श्री विद्या नरसिंह भारती हांचे हस्तुकीं सकाळीं 8.13 ह्या मूर्तार शिखर कलश स्थापणूक 9.3 वरांचेर गणेश मूर्ती स्थापणूक करतले. 22 मार्चाक सकाळी 7 वरांचेर सांस्कृतीक कार्यावळीचें उक्तावण आमदार डॉ चंद्रकांत शेट्ये हाचे हस्तुकीं जातलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
