भांगरभूंय | प्रतिनिधी
नवी दिल्ली, खबरां संस्था ः गटार निवळ करतना मरण आयिल्ल्या लागींच्या नात्यांतल्यांक 30 लाख रुपया, कायमचे दिव्यांग जाल्ल्यांक उण्यांत उणे 20 लाख रुपया भरपाय दिवपाचो आदेश सर्वोच्च न्यायालयान शुक्रारा संबंदीत सरकारी संस्थांक दिला.
गटार निवळ करतना मजुरांक मरण आयिल्ल्याची गंभीर दखल न्या. एस. रवींद्र भट आनी न्या. अरविंद कुमार हांच्या खंडपिठान घेतली आनी उल्लेख केल्लो आदेश दिलो. तेच बरोबर कामगारांनी कोयर व्हरपाची आनी निवळ करपाची पद्दत पुरायपणान बंद करपाची खात्री केंद्र आनी राज्य सरकारांन करची असोय उल्लेख खंडपिठान केला. तशेंच गटर निवळ करतना कामगारांक जखमी जाल्यार संबंदीत सरकारी संस्थांक 10 लाख रुपया मेरेन लुकसाण भरपाय दिवची पडटली.
347 कामगारांक मरण
जुलय 2022 वर्सा लोकसभेंत जाहीर केल्ल्या सरकारी आंकड्यां प्रमाण फाटल्या पांच वर्सांत उत्तर प्रदेश, तमिळनाडू आनी दिल्लींत गटार आनी सेप्टिक टांकयो निवळ करतना 347 कामगारांक मरण आयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
