भांगरभूंय | प्रतिनिधी
डेहराडून, खबरां संस्था ः ग्लोबल वॉर्मिंगा कडेन झुजपी गंगोत्री हिमन्हंयेंचो आकार एका वर्सात 18 टक्क्यांनी वाडलो. देखून अंदूंच्या शींयाच्या दिसांनी गंगेच्या पात्रांत फावो तें उदक आसतले अशें संशोधकांचे म्हणणें आसा.
वाडिया इन्स्टिट्यूटाच्या अहवाला प्रमाण मे 2023 वर्सा गंगोत्री हिमन्हंयेंत बर्फाचो थर 83 टक्के आशिल्लो. जूनांत 69 टक्के जालो. पूण हिमालयाच्या उंचेल्या तेमकांचेर बरो बर्फ पडलो. देखून मार्च 2024 मेरेन हिमन्हंयेंत बर्फाचो थर 86.14 टक्क्यांनी वाडलो.
ग्लोबल वॉर्मिंगाक लागून गंगोत्री हिमन्हंयेंचेर जावपी परिणामांचो अभ्यास करपा खातीर भोजवासा आनी चिडबासा हांगा अभ्यास केंद्रां स्थापन केलीं. जंय हवामान, उदक, भूंयकांप शास्त्राची वेधशाळा स्थापन केलीं. हाचे वरवीं हिमन्हंयेंत बर्फ पडप, पावस, तापमानाचो अभ्यास आनी उपगिरो फोटवांचेर अभ्यास करतात.
गंगोत्री हिमन्हंय 87 वर्सांत 1700 मीटर वितळ्ळी
संशोधकांनी गंगेच्या पात्राचो अभ्यास करतना 87 वर्सांचे निरिक्षण केलें. हाचे प्रमाण गंगोत्री हिमन्हंयेंचो वाठार सुमार 1700 मीटर वितळ्ळा. 2022 मेरेन गंगोत्री हिमन्हंयेंचो कांय वाठार फाटीं सरलो. ताचे फाटलें मुखेल कारण म्हळ्यार ग्लोबल वॉर्मिंग अशें संशोधक सांगतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
