भांगरभूंय | प्रतिनिधी
गँगटोक, खबरां संस्था : उत्तर सिक्कीमाक ढगफुटीक लागून भिरांकूळ स्थिती निर्माण जाल्या. पावसाक लागून तिस्ता न्हंयेक सिंगतम वाठारांत अचकीत हुंवार आयिल्ल्यान २३ जवान बेपत्ता आसात. तांचे वांगडा आनीकूय कांय लोक व्हांवन गेल्यात, अशें कळटा. सद्या बचाव कार्य चलता. पयलीं ढगफुटी जाली. उपरांत उदक वाडिल्ल्यान चुंगथांग धरणांतल्यान उदक सोडचें पडलें. ताका लागून अचकीत न्हंयेंतल्या उदकाची पातळी २० फूट वाडली.
ल्होनक तळ्या वयर अचकीत ढगफुटी जाली. ताका लागून लाचेन घांटांतल्या तिस्ता न्हंयेक हुंवार आयलो. थंयच्या लश्कराच्या ठाण्यांचेर हाचो परिणाम जालो. २३ जवान बेपत्ता आशिल्ल्याची म्हायती आसा. ते हुंवाराच्या उदकांत व्हांवून गेले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
