भांगरभूंय | प्रतिनिधी
ए क अत्याचारी राजान धा जंगलीं सुणीं पोशिल्लीं! जेन्ना कोणुय नोकर चूक करतालो तेन्ना तो ख्यास्त म्हणून त्या नोकराक त्या कुत्र्या फुड्यां सोडटालो! ते मागीर ताका घांस मारून जिवेशीं मारताले!
एक दीस एका नोकरा कडेन चूक घडली! राजान नेमा प्रमाण ताका सुण्यां सुवादीन करपाचो आदेस दिलो! तेन्ना नोकर सामको काळकुटेक येवन राजाक म्हणू लागलो. “धा वर्सा हांवें तुमची चाकरी केल्या. एके सादे चुकी खातीर तुमी म्हाका ही सजा दितात”?
ताणें राजा कडेन धा दिसांचो वेळ मागलो. सुण्यांची देखरेख करतल्या सेवकां वांगडा तो रावलो. सुण्यांची बेस बरी सेवा केली. तांकां खावयले, पिवयलें, न्हाणयलें आनी दिसभर तांची कुयदाद घेवन तांकां सुसेग दिलो!
धा दिसां उपरांत राजाल्या आदेसा प्रमाण सुणीं त्या नोकराचेर सोडलीं तशी तीं त्या नोकराक घांस मारचो
सोडुन चाटपाक लागलीं!
राजा पिकार जालो. ताणें बेजारून नोकराक विचारलें, ‘हे कितें चल्लां” ?
नोकरान सांगलें, हांवें ह्या सुण्याचीं फकत धा दीस सेवा केल्या…..! राजाक लज जाली. ताणें आपल्या कडेन धा वर्सां काम करपी त्या नोकराक माफ करून ख्यास्त मुक्त केलो.
वास्तवीक जिवितांत मनीस कोणाय कडल्यान नकळटांय एक बारिकसारीक चूक जाल्यार पडमूर जाता आनी चूक केल्ल्या मनश्यालीं हजार बरीं कामां विसरता.
सुदिन कुर्डीकार
8275425404
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
