भांगरभूंय | प्रतिनिधी
भांगरभूंय । प्रतिनिधी
काणकोणः काणकोण सामाजीक भलायकी केंद्रांत खोला पंचायत सभाघरांत आयोजीत केल्ल्या वैजकी तपासणेचो 40 जाणांनी लाब घेतलो. रोटरी कल्ब, मडगांव, मीड टावन , मुक्ता फावंडेशन, सीग्राम वन रूपी फावंडेशन, भारतीय रेड क्रॉस, आयडीसीएस, बायल आनी भुरगी उदरगत कार्यालय- काणकोण हांच्या पालवान हें शिबीरआयोजीत केल्लें.
भोंवते अॅम्बुलन्शींतल्या आधुनीक उपकरणां वरवीं दुयेंतीची तपासणी केली. रगतदाब, हिमोग्लोबीन, दोळे तपासणी, इसीजी, आयुर्वेदिक, होमियोपॅथी, दांत तपासणी, थानाचो कॅन्सर तपासणी शिबिरांत केली. शिबिराचें उक्तावण काणकोणचो उपजिल्होधिकारी रमेश गांवकार हाचे हस्तुकीं जालें. ह्या वेळार डॉ जुझे तावारीस, किशोर सरसोलकार, आशंका गांवकार, नीलेश लोलयेंकार, खोलाचो उपसरपंच कृपेश वेळीप, पंढरी प्रभुगांवकार, कृष्णा वेळीप, प्रणय नायक हाजीर आशिल्ले.
काणकोण सामाजीक हॉस्पिटलाचो निरीक्षक प्रणय नायक हाणे पावसाच्या दिसांनी जावपी धामीच्या दुयेंसां विशीं जाग्रुताय केली. नीलेश लोलयेंकार आनी किशोर सारसोलकारान जुलय म्हयन्यांत विद्यार्थ्यांचे दोळे तपासणी आनी हिमोग्लोबीन तपासणी करतले अशें जाहीर केलें. कार्यावळीचें सूत्रसंचालन प्रशांत देविदासान केले आनी दामोदर च्यारीन प्रास्तावीक केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
