भांगरभूंय | प्रतिनिधी
भांगरभूंय । प्रतिनिधी
म्हापशेंः खोर्ली- म्हापशें हांगचे श्री देवी सातेरी देवीचो पाडव्या निमतान नगर प्रदिक्षणेक वचपी वर्सुकी पालखी उत्सव व्हडा उमेदीन जालो. सकाळीं धर्मीक विधी जाल्या उपरांत दनपारां देवीची पालखी वाद्यां सयत नगर प्रदक्षिणे खातीर भायर सरली. कालोत्सव मंडळा वतीन पयली ओटी भरले उपरांत पालखीचें वहिवाटीचे मार्गान प्रयाण जालें. वाटेर सुवासिनींनी देवीक ओवाळून तिका येवकार दिलो. हातूंत म्हापशें पालिका मंडळाची नगराध्यक्ष शुभांगी वायंगणकार हिचोय आसपाव आशिल्लो.
देवळा कडल्यान खोर्ली सिमेमेरेन पालखी वतना उपसभापती जोशुआ डिसोझा, भाजपा प्रदेशाध्यक्ष सदानंद तानावडे, नगरसेवक विराज फडके, साईनाथ राऊळ, सुधीर कांदोळकार हांणी देवीचें दर्शन घेतलें. खोर्ली सिमेर राष्ट्रोळी देवस्थान समितीन पालखेक येवकार दिल्या उपरांत ती परत देवळाचे दिकेन आयली. बुधवारा दनपारां 2 वरांचेर नगर प्रदक्षिणे खातीर भायर सरिल्ली पालखी बिरेस्तारा सांजे 6 वरांचेर परत देवळांत आयली. पावणे उपरांत आरती आनी तीर्थप्रसादान उत्सवाचो समारोप जालो. पालखी उसापकार जंक्शना पावचे पयलीं श्री घटेश्वर देवस्थाना वतीन आयोजीत केल्ले 25वे रांगोळी सर्तींतल्या जैतिवंतांक इनाम भेटोवपाची कार्यावळ जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
