भांगरभूंय | प्रतिनिधी
भांगरभूंय । प्रतिनिधी
म्हापशेंः खोर्ली- म्हापशें हांगच्या श्री सातेरी देवीचो वर्सुकी शिशिरोत्सव मंगळार 26 तें शेनवार 30 मार्च मजगतीं धर्मीक आनी सांस्कृतीक कार्यावळींनी श्री सातेरी प्रासादीक कला आनी सांस्कृतीक नाट्य मंडळा वतीन मनयतले.
मंगळार 26 मार्चाक रातीं 8 वरांचेर सदानंद चव्हाण हाच्या गगनात घुमली शिवगाथा ह्या नाटकाचो प्रयोग जातलो. 27 मार्चाक रातीं 8 वरांचेर कमलाकांत बोरकार हाच्या जन्मदाता ह्या नाटकाचो प्रयोग जातलो, बिरेस्तार 28 मार्चाक रातीं 8 वरांचरे गो पु देशपांडे हांच्या दी ट्रॅप ह्या नाटकाचो प्रयोग जातलो. शुक्रार 29 मार्चाक रातीं 9 वरांचेर बॅड पंगडा सयत देवीची पालखी आनी रातीं 11 वरांचेर दशरथ राणे हाच्या बोंबल्याचा चाळींत घोटाळा व्हो नाट्य प्रयोग जातलो. 30 मार्चाक दनपारां 3 वरांचेर गुलालोत्सव आनी सातेरी देवूळ तें खोर्ली शिमे मेरेन रोमटांमेळ मिरवणूक काडटले आनी उत्सवाचो समारोप जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
