भांगरभूंय | प्रतिनिधी
भांगरभूंय । प्रतिनिधी
पोरणे गोंयः केंद्रीय भलायकी आनी कुटूंब कल्याण मंत्री मनसुख मांडवीय हाणे जी-20 प्रतिनिधी, केंद्रीय राज्यमंत्री डॉ भारती पवार आनी थळावो आमदार राजेश फळदेसाय हांच्या वांगडा मंगळारा खोर्ली- तिसवाडीच्या भलायकी आनी कल्याण केंद्राक भेट दिवंन थंय आशिल्ल्या सुविधांची पळोवणी केली.
भलायकी मळार भारत प्रगती करीत आसा. भलायकी आनी उपचार हे नदरेंतल्यान भलायकी मळा कडेन सर्वांगी नदरेन पळोवपाक जाय असो पंतप्रधान नरेंद्र मोदी हांचो आग्रो आसा. देश बदलता आनी फुडें वचत आसा. विकसीत देश जावपाक सोदपी खंयच्याय देशान आपल्या नागरिकांच्या भलायकेक प्राधान्य दिवपाक जाय. निरोगी नागरीक व्हो निरोगी समाजाचो मार्ग आसा अशें मनसुख मांडवीय हांणे सांगलें.
डॉ पवार हिणे खोर्ली भलायकी केंद्रांत आशिल्ल्या भलायकी सुविधां विशीं खोस उक्तायली. भारत फकत भलायकेचे निकशूच न्हय जाल्या लोक कल्याणाची हेर मापदंड लेगीत पुराय करतलो असो हावेस तिणे उक्तायलो. आपल्या कुमारजुवें मतदारसंघांतल्या खोर्ली भलायकी केंद्राक केंद्रीय भलायकी मंत्र्यानी दिल्ले भेटी खातीर आमदार फळदेसायान खोस उक्तायली. जीएमसीच्या रुपांत आमकां तिसऱ्या श्रेणीची वैजकी सुविधा मेळटा अशें ताणे ह्या वेळार सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
