भांगरभूंय | प्रतिनिधी
भांगरभूंय । प्रतिनिधी
पोरणे गोंयः खोर्ली- तिसवाडी उद्देगीक वसणुकेंत आशिल्ल्या मिनेझीस काम्को फूड फॅटरीक मंगळारा मध्यानरातीं उजो लागलो. फॅक्टरीचें कितलें लुकसाण जालां हें अजून कळपाक शकलें ना.
फूड फॅक्टरीक उजो लागला हाची खबर दिवपी फोन आमकां मंगळारा मध्यान रातयां 2.44 वरांचरेर आयलो. आमी रोखडेंच घडणुकेचे सुवातेर वचून सकाळीं 8 मेरेन उजो पालयलो. उज्यांत फॅक्टरींतल्या सगल्या सामानाचो गोबोर जालो अशें उजो पालोवपी जवानांनी भांगरभूंयक सागलें.
उजो पालोवपा खातीर पोरणे गोंय, कुंडय, फोंडें आनी पणजे हांगच्यान चार फायर टेन्डर हाडचीं पडलीं. विजेच्या शॉर्ट सर्किटाक लागून उजो लागलो असो अदमास आसा. लुकसाणेचो आंकड्याचो अदमास अजून संबंदितांनी करूं ना अशें पोरणे गोंय फायर स्टेशनाचे अधिकारी गणेश गोवेकार हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
