भांगरभूंय | प्रतिनिधी
भांगरभूंय । प्रतिनिधी
काणकोणः गांवडोगरी, खोतीगांव हांगच्या आदर्श युवा संघा वतीन धावी आनी बारावेचे परिक्षेंत येसस्वी थारल्ल्या वट्ट 66 विद्यार्थ्यांक यादस्तिकां भेटोवन भोवमान केलो. तातूंत धावेच्या 19 हायस्कुलांतले 39 आनी पांच माध्यमीक विद्यालायंतल्या कला, वाणिज्य, विज्ञान आनी वेवसायकी फाट्यांतल्या 27 विद्यार्थ्यांचो आसपाव आशिल्लो.
श्रीस्थळ पंचायत सभाघरांत आयोजीत केल्ले हे कार्यावळीक सोयरे म्हणून सभापती रमेश तवडकार, समाज कल्याण मंत्री सुभाष फळदेसाय हाजीर आशिल्ले. माचयेर श्रीस्थळाची सरपंच सेजल गांवकार, खोतीगांवचो सरपंच आनंदू देसाय, पैंगीणचो उपसरपंच सुनील पैंगीणकार, काणकोण भाजपा मंडळ अध्यक्ष विशाल देसाय, काणकोण पालिकेचे नगरसेवक हेमंत नायक गांवकार, प्रीटल फर्नांडीस आशिल्ले.
मोबायलाचेर चड लक्ष दिनास्तान विद्यार्थ्यांनी वाचन आनी शिक्षणा कडेन चड लक्ष दिवचें अशें सभापती रमेश तवडकार हांणे सांगलें. फळदेसाय हांणे काणकोणचे तरणाटे सक्षम आनी बुद्धिमान आसात. सकारात्मक विचार करून तांणी जिणेत फुडें सररचे अशें सांगलें. सुनील पैंगीणकार हांचेय उलोवप जालें. सूत्रसंचालन संजय गांवकारान केलें. अशोक गांवकारान येवकार दिलो आनी रुपेश तवडकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
