भांगरभूंय | प्रतिनिधी
भांगरभूंय । प्रतिनिधी
फोंडेंः भोमाकाटो- साकोर्डें वाठारांत खैरी झाडांची कत्तर केल्या प्रकरणात राना हक्काचो वहिवाटकार चपक्यांत येवाची चिन्हा दिसपाक लागल्यांत. रानांत खैरीच्या झाडांची कत्तल करून वाळपय रानां विभागान गुळेली आनी केरी हांकां धरल्ल्या खैरीची येरादारी साकोड्डें वाठारांतल्यान जाल्ल्याचे उक्ताडार आयलां. ह्या प्रकरणांत कुळे रानां विभागान वट्ट 12 जाणां आड गुन्यांव नोंद केल्यात. तशेंच 40 हजारांचे खैरीचें लाकून, दोन वाहन आनी झाडां मारपाक वापरल्ले सामान मेळून एक लाख रुपयाचो मुद्देमाल जप्त केला.
फोंडेंच्या उत्तर गोंय राना विभागाचो उपरानपाल जीस वर्की हाच्या मार्गदर्शना खाला कुळे विभागाचो राना अधिकारी रवी शिरोडकार आनी वाळपय विभागाचो अधिकार शामसुंदर गांवस हाणे कारवाय करून 12 जाणां आड वाळपय आनी कुळ्यां गुन्यांव नोंद केल्यात. नितीन भायगो गावडे ( दोडामार्ग – महाराष्ट्र), नंबू बाबू पटकणी (30), लक्ष्मण पटकणी (29), पांडू के. बनेगडे (26), बाबू गंगू येडगे (35), बमू शिंदे (21), वबू पटकणी (27), केदार बनेगडे (29), भिकू पटकणी (23), विठ्ठल पटकणी (42), बाळू पटकणी (28) आनी मारुती कत्रौत (31) ह्या कर्नाटकांतल्या तरणाट्यांचो हातूंत आसपाव आसा.
ह्या लाकूड चोरयेचें केंद्र साकोड्डें हांगा आशिल्ल्याचें चवकशेंतल्यान सामकार आयलां. बुधवारा राना अधिकाऱ्यांनी भोमाकाटो हांगा रानांत खैरी झाडांची कत्तल केल्ली पळयली तातूंतल्यान हें स्पश्ट जालें. ह्या राना वाठाराच्या वहिवाटकाराची चवकशी करपाचें रानां अधिकाऱ्यांनी थारायलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
