भांगरभूंय | प्रतिनिधी
भांगरभूंय । खेळां मेज
पणजीः हॉकीचे जादुगार मेजर ध्यानचंद हांच्या जंयती निमतान मनयतात त्या राष्ट्रीय खेळां दिसा निमतान खेळ आनी युवा वेव्हार खात्यान 21 तें 29 ऑगस्ट मजगतीं तरेकवार खेळांच्यो सर्ती तशेंच 29 ऑगस्टाक वॉकथॉनाचें आयोजन केलें. योगासना, विद्यार्थी आनी साबार लोकां खातीर लगोरी, दोरे वयल्यान उड्यो मारप, बॅडमिंटन, टेबल टॅनीस, टग ऑफ वॉर सर्ती आयोजीत केल्ल्यो. जैतिवंतांक करंड आनी पदकां भेटयलीं.
वॉकथॉनाक वांटेकार जाल्ल्यांक फीट इंडियाचो सोपून दिलो. खेळां मंत्री गोविंद गावडे हाणे काम्पाल- पणजे हंगा मॉकथॉनाक बावटो दाखोवन ताची सुरवात करून दिली. ह्या वेळार खेळां संचालक अरविंद कुट्टीकार, उपसंचालक जेनिफर फेर्रांव गोन्साल्वीस, डॉ विवेक पवार हाजीर आशिल्ले. काम्पाल, योग सेतू, मिरामार वॉक वे, काम्पाल स्विमींग पूल आनी काम्पाल व्हो वॉकथॉनाचो मार्ग आशिल्लो.
सरकारी हायस्कूल,दोनापावल, ऑक्सिलम हायस्कूल, करंजाळें, खेळा खात्याचे कर्मचारी, जस्ट फिटनेस ग्रूप, जीएफडीसीचे कर्मचारी आनी प्रशिक्षक आनी साबार लोक मेळून 250 जाणांनी वॉकथॉनांत वांटो घेतलो. तांका गोविंद गावडे हांचे हस्तुकीं प्रशस्तीपत्रकां भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
