भांगरभूंय | प्रतिनिधी
भांगरभूंय । प्रतिनिधी
काणकोणः खेळ मनशाचे जिणेंत खूब म्हत्वाचे आसतात. ताका लागून वेळाचें बंधन, शीस्त, सांघीक वृत्ती तयार जाता.
भलायकी बरी उरपाक खेळाची मजत जाता. सध्या खेळां मळार करिअर घडोवपा खातीर जायत्यो संद आसात. तरणाट्यांनी खेळांत करिअर करपा खातीर परिश्रम करपाची गरज आसा, अशें सभापती रमेश तवडकार हाणे सांगलें.
आमोणें- पैंगीण हागच्या बलराम शिक्षण संस्थेच्या बलराम निवासी विद्यालय, बलराम डेकॅर विद्यालय आनी गोंय सरकारचें खेळां प्राधिकरण आनी खेळां खात्याच्या पालवान आयोजीत केल्ल्या आहार प्रशिक्षण शिबिराच्या समारोपाचे कार्यावळींत तवडकार मुखेल सोयरो म्हणून उलयतालो. ह्या वेळार वेर्णा उद्देगीक वसणूक संघटनेचो अध्यक्ष प्रदीप डिकॉस्ता, राजेश प्रभू, गणेश गांवकार, राजेंद्र वेळीप, अशोक गांवकार, बलराम निवासी विद्यालयाची मुख्याध्यापिका सविता तवडकार, वंदना गांवकार, बलराम डेकॅर विद्यालयाचे मुख्याध्यापक अशोक गांवकार, पालक-शिक्षक संघाची अध्यक्ष वृंदा वेळीप माचयेर आशिल्ली.
सुरवेक विद्यार्थ्यांनी वेगवेगळ्या खेळांतलीं प्रात्यक्षिकां दाखयली. पंधरा दिसांच्या ह्या शिबिरांत विद्यार्थ्यांक कबड्डी, खो खो, व्हॉलिबॉल, टेनिकोयट, सेपेकथेकरो, बॅडमिंटन, टेबल टेनीस, डम्बेल्स, घुंगुरकाठी, लेझीम, योगासना, रोप मल्लखांब, पोल मल्लखांब, दोरी उडयो ह्या खेळाचें प्रशिक्षण दिलें. प्रशिक्षण म्हणून सुधीर वाटवे, विनय गांवकार , मनोहर गांवकार, प्रविण गांवकार, गौतम देसाय, नेहा शिंदे, सुनील विश्र्वकर्मा, समृद्धी पाटील, चैतन्य मस्कर, सौरभ खोबरे, प्रतीक्षा मोरे, प्रियांका साळुंखे, सेजल कोमरपंत हांणी मार्गदर्शन केलें. शिक्षिका केसर गांवकार आनी धनंजय वेळीप हांणी शिबीर आयोजनांत पालोव दिलो. रिचा पोळेकारान सूत्रसंचालन केलें आनी केसर गांवकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
