भांगरभूंय | प्रतिनिधी
सुदीन ढवळीकार: कुंडय क्रिकेटर्स क्लब, कुंडय क्लब हाऊजान मनयलो रुप्या महोत्सव
फोंडें: राज्यांत विवीध खेळांक उर्बा दिवपा खातीर उत्कृश्ठ मुळाव्यो सुविधा उपलब्ध करून दिवपा खातीर शासन बांदील आसा. मडकय मतदार संघात सुविधा उबारपाक खरपणान यत्न करता. जंय विवीध खेळ खेळपाक मेळटले. आदल्या काळांत अर्थीक आडखळ आसून लेगीत क्रिकेट मोगींनी खेळाक म्हत्व दिवन नांव जोडलें, अशें वीज मंत्री सुदीन ढवळीकार हांणी सांगलें.
कुंडय क्रिकेटर्स क्लब, कुंडय क्लब हाऊजाच्या रुप्या महोत्सवी दिसा निमतान आयोजीत संजय कामत आनी संतोष एम. नायक जिणेगौरव पुरस्कार तशेंच क्रिकेट मळार विशेश कामगिरी केल्ल्या खेळगड्यांचो भोवमान केले उपरांत सुदीन ढवळीकार उलयताले. ह्या वेळार माचयेर कुंडयचे सरपंच सर्वेश जल्मी, उद्देजक सुभाष महानंदू नायक, रणजी क्रिकेट खेळाडू अवधूत आमोणकार, रोबीन डिसोझा, गणेशोत्सव मंडळाचे अध्यक्ष नागेश फडते, कुंडय क्लबाचे अध्यक्ष प्रमोद फडते हाजीर आशिल्ले.
श्री. ढवळीकार हांणी शारांचे तुळेंत गांवगिर्या वाठारांनी खेळाच्यो पांयाभूत सुविधायो उण्यो आशिल्ल्यो. पूण आतां परिस्थिती बदल्ल्या, अशें सांगलें. विरेश कामत हांणी येवकार दिलो. सुत्रसंचलन सचीन सुर्लकार हांणी केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
