भांगरभूंय | प्रतिनिधी
भांगरभूंय । प्रतिनिधी
काणकोणः खालवडें हांगा श्री सरस्वती विद्या मंदिरांत आयोजीत केल्ल्या दोळे तपासणी शिबिरांचो 125 जाणांनी लाब घेतलो. शिबिरांत मोतीबिंदू आनी दोळ्यांच्या हेर दुयेंसाची तपासणी केली. मुक्ता दृश्टी फावंडेशन हांच्या पालवान हें शिबीर आयोजीत केल्लें.
शिबिरांत 53 जाणांक चश्मे लावपाची गरज आता आनी तिगांक मोतीबिंदू शस्त्रक्रिया करून घेपपाचो सल्लो दिलो. 69 जाणांच्या दोळ्यांक कसलेच दोश नात अशें दिसून आयलें. ह्या मुफक शिबिराचो लाब विद्यार्थी, शिक्षक आनी पालकांनी तशेंच साबार लोकांनी घेतलो. दोळ्याचे भलायके संबंदीं जाग्रुताय करपा खातीर हें शिबीर आयोजीत केल्लें. अर्थीक नदरेन कमकुवत लोकांक फुटक चश्मे करून दितले.
प्रकाश शिवराम फळदेसाय हांचे हस्तुकीं सुरवेक शिबिराचें उक्तावण जालें. ह्या वेळार मुक्ता दृश्टी फावंडेशनाचो किशोर सलसोलकार, सरस्वती विद्या मंदिराची मुख्याध्यापिका नीता वरगांवकार, पालक-शिक्षक संघ अध्यक्ष दामोदर वसंत च्यारी आनी हेर मानेस्त हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
