भांगरभूंय | प्रतिनिधी
पणजी : गोंय – खानापूर शीमेर तिनईघाट हांगा (एनएच ७४८) केंद्रीय रस्ते आनी म्हामार्ग मंत्रालयान टोल लागू केल्ल्यान खानापूर सावन कर्नाटकांत वचपी गोंयकारांक आतां टोल फारीक करचो पडटलो. केंद्रीय रस्ते आनी म्हामार्ग मंत्रालयान (मॉर्थ) टोलाच्या शुल्क अधिसुचोवणेंत निश्चीत केलां.
तिनईघाट हांगा टोल प्लाझाची उबारणी जातली.
तिनईघाट सावन ३७ किमीच्या पट्ट्या खातीर हो टोल आसतलो. कार, जीप आनी वॅनी खातीर किमी फाटल्यान ०.६५ रूपया, ल्हान वेवसायीक वाहनां खातीर दरेकी किमी १.०५ रूपया दर आसतलो. ट्रक वा बशी खातीर २.२० रूपया, ६ टायरांच्या वाहनां खातीर २.४० रूपया प्रती किमी टोल आसतलो. व्हड मशिनरी व्हरपी गाडयां खातीर ३.४५ रूपया किमी असो टोल आसतलो.
टोल प्लाझा सावन २० किमीच्या वाठारांत रावपी लोकांक पासाची वेवस्था आसतली. अंदूंच्या वर्सा म्हयन्याक ३४० रूपयांचो पास आसतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
