भांगरभूंय | प्रतिनिधी
पणजी : खानापूर म्हालांतल्या नंदगडच्या एका जाण्ट्या दादल्यान चार वर्सां पिरायेच्या सानुल्याचेर अत्त्याचार केल्ल्या आरोपा खाला पोक्सो न्यायालयान ताका २० वर्सांची बंदखण आनी १० हजार रुपयांचो दंड दिला. ह्या आरोपीक काल सांजेवेळार हिंडलगा बंदखणींत धाडलो.
नेमकें प्रकरण कितें?
मेळिल्ले म्हायती प्रमाण, फेब्रुवारी २०२४ त नंदगडचे काकर गल्लींत रावपी ६८ वर्सां पिरायेच्या निसार अहमद फखरूसाब चापगावी ह्या जाण्ट्यान शेजराचे चार वर्सां पिरायेचे चलयेक चॉकलेटीचें हांयस दाखोवन घरा व्हेली आनी तिचेर लैंगीक अत्याचार केले. ह्या प्रकरणा विशीं कळ्ळे उपरांत पुलिशेंत कागाळ नोंद केली. निरीक्षक सी एस पाटील हांणी तपासाक गती दिली. २८ फेब्रुवारीक आरोपी आड पोक्सो न्यायालयांत आरोपपत्र दाखल केलें.
मजगतीं, तपासकाम पुराय जाले उपरांत काल आरोपीक परत न्यायालयांत हजर केलो. आरोपी निसार अहमद हाका पोस्को न्यायालयाच्या न्यायाधीश सी.एम. पुष्पलता हांणी वीस वर्सांचे बंदखणीची ख्यास्त दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
