भांगरभूंय | प्रतिनिधी
पणजी : पावस सुरू जातांच सैम मोगी आनी पर्यटकांनी घसघश्यांचेर वचपाक सुरू केलां. खानापूर म्हालांतल्या सगल्या रान वाठारांत आनी घसघश्यांचेर कर्नाटक रान खात्यान प्रवेशबंदी लागू केल्या. ही बंदी पर्यटकांचे सुरक्षीतताये खातीर आनी रान जीव सांबाळपा खातीर लागू केल्या. नेम मोडप्यांचेर खर कारवाय करपाची शिटकावणीय रान विभागान दिल्या.
खानापूर म्हालांतलो पश्चीम आनी दक्षीण भाग रान आनी घसघश्यांनी समृद्ध आसा. ह्या पुराय रानांत बिबट्या, अस्वल, वाघ अशीं रान जनावरां रावतात. पावसांत हांगा पालसणां कोसळप, रस्ते बंद जावपाचो आनी अपघातांचो धोको चड आसता. हाका लागून पर्यटकांचो या भागांत वावर जावचो न्हय म्हणून चेकपोस्ट वाडयल्यात.
हालींच कांय तरणाट्यांनी तपासणी नाक्यांना चुकोवन वज्रपोहा घसघश्या लागसारा व्हिडियो काडिल्ले. तांचे व्हिडियो सोशल मिडियाचेर व्हायरल जाले उपरांत तांकां ताब्यांत घेवन पालकांचे हाजेरींत समजायलें. उपरांत रान खातें आनीक शिटूक जालां. भीमगड अभयारण्य वाठारांतूय आतां प्रवेश करपाक बंदी घाल्या. रान अधिकार्यांनी सांगलें, पावसांत रानांतली दृश्यमानता उणी जाता आनी अशा वेळार अपघात जावपाची शक्यताय वाडटा. हाका लागून पर्यटकांनी जापसालदारकेन वागचें आनी नेम पाळचे.
कर्नाटक रान खात्याचें आवाहन :
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
