भांगरभूंय | प्रतिनिधी
म्हजें मत
हालीं गांवांगांवांनी जात्रा, काले, फेस्तां चालू आसात. थंय प्रसाद म्हणून लोक एक जिनस घेतात, तो म्हणल्यार खाजें, काडयो- बडयो. पोरु तें 320 रुपया कील आसलें. म्हणल्यार 100 किलाचे जाले 32,000. अंदूं तेंच खाजें 400 रुपया कील जालां. 100 किलांचे जाले 40 हजार रुपया. 100 कील खाजें करपाक खाजेकाराक कितलो खर्च येता आनी कितलो फायदो जाता, तें जाणकारांक खबर आसतलें. पूण एकदम 80 रुपया वाडोवप योग्य दिसलें ना. सामान्य लोकांक तें घेतना फाटींफुडें जावपाक जाता. पांच सोयऱ्यांक 1-1 कील धाडपाचें जाल्यार ताका 2000 रुपया भायर काडचे पडले.
ह्या खाज्यांतल्यान आलें मात गायब जायत आसा. खाजें खायना फुडें भितर आलें आसा हें खावप्याक पयल्याच घांसाक कळपाक जाय. आल्याचीं कापां खावपाक जायना इतलीं तिखट जातालीं. गोड, आले, तीळ नाशिल्ल्यो काडयो बडयोय 400 रुपया कील. हेंय खाजें म्हारग कित्याक? असलें एक कील खाजें करपाक कितलो खर्च येतलो?
ही म्हारगाय कोण करता काय?
– नरेंद्र गोवेकार
मुळगांव
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
