भांगरभूंय | प्रतिनिधी
नवी दिल्ली, खबरां संस्था: अवेवसायीक खाजगी वाहनां खातीर १५ ऑगस्ट सावन ३००० रुपया शुल्क भरून फास्टॅग आधारीत वर्सुकी ‘पास’ दितले. केंद्रीय रस्ते येरादारी, महामार्ग मंत्री नितीन गडकरी हांणी, तो एक वर्स वा २०० प्रवासा खातीर वैध आसतले. हाका लागून देशांतल्या राष्ट्रीय महामार्गांचेर सवायभितर प्रवास शक्य जातलो. ६० किमी परिघात टोलची चिंता सतावची ना. नाक्यांचेर वाट पळयत रावप आनी वाद जावप बंद जातलें. हें अनिवार्य ना. पर्यायी आसा. आतांची फास्टॅग प्रणाली आदले वरींच आसतली. दिल्ली-मुंबय एक्स्प्रेस वे सारकिल्ल्या बंद टोल मार्गांचेर, प्रवेश-निर्गमन एक प्रवास मानतले.
म्हत्वाचें
वर्सुकी पासाची सुविधा कोणाक मेळटली? कार, जीप, व्हॅन अश्या गैर-वेवसायीक खासगी वाहनां खातीर. जर तो वेवसायीक वाहनांचेर वापरल्यार पास निश्क्रीय करतले.
फास्टॅग बदलतलें काय नवो पास दितले? जे फास्टॅग वापरतात तांकां नवें विकत घेवची ना. पास फकत त्या टॅगाचेर सक्रीय जातलें जें वाहनांचेर योग्य तरेन दसयिल्ले आनी वाहन नोंदणी कडेन संलग्न आसतलें. वर्सुकी पास खंय/कशें उपलब्ध जातलें? राजमार्ग यात्रा ऍप, NHAI/MoRTH वेबसायट लिंकाचेर नोंदणी करून तो सक्रीय जावपाक शकता. हो पास सगल्या टोलांचेर वैध आसा व्हय? ना. फकत राष्ट्रीय महामार्ग आनी राष्ट्रीय द्रुतगती मार्गार वैध. राज्यां वा थळाव्यां संस्थांचो द्रुतगती मार्ग, महामार्गांचेर टोल घेतले.
पासाचो फायदो कोणाक? कसो जातलो?
जे सद्दां वा परत महामार्गांचेर प्रवास करतात. तांचे खातीर ३००० मदल्यो २०० भोंवताडे म्हणल्यार २०० टोल क्रॉसींग. जर एका टोलचे सरासरी शुल्क ५० रुपया आसतलें, जाल्यार २०० टोलचो खर्च सरासरी १० हजार रुपया आसतलें. ह्या पासाक लागून ७ हजार रुपया वाटवतले. २०० भोंवताडे पुराय केले उपरांत कितें जातलें? दिल्लो काळ पुराय जावंक ना तरी आमी परत पास मेळोवपाक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
