भांगरभूंय | प्रतिनिधी
माशेल : खांडोळा कोमुनीदादीचे नवे समितीचे वेंचणुकेंत भिकारो वामन गावडे हांची २०२५ ते २०२८ ह्या काळा खातीर अध्यक्षपदार निवड जाली. जाल्यार भांडारी पदाचेर सुभाष रघुवीर नायक गांवकार आनी मुखत्यारपदार गजानन बाबुसो नायक गांवकार हांची विरोधाविणें निवड जाली.
नवी समिती अध्यक्ष पंढरी पांडुरंग नायक गांवकार, भांडारी पुरुषोत्तम भालचंद नायक गांवकार, मुखत्यार सावळो काशिनाथ नायक गांवकार हांची निवड जाली. अध्यक्षपदाचे वेंचणुकेंत भिकारो गावडे हांचे आड आशिल्ले राजेश नायक गांवकार हांचे वटेन ६१ वांगडी, जाल्यार भिकारो हांचे वटेन ६३ वांगडी रावले. फकत दोन मतांच्या फरकान राजेश गांवकार हे हारले.
फोंडें जोड मामलेदार रुजारिओ कार्व्हाल हांणी वेंचणूक अधिकारी म्हणून काम पळयलें. जाल्यार कोमुनिदादचे कर्मचारी एकनाथ कारापुरकार हांणी तांकां सहकार्य केलें. वेंचणूक आयतारा श्री शांतादुर्गा देवळाच्या आंगणांत जाली. जैतिवंत गटाक अरविंद नायक गांवकार हांचें पुराय फाटबळ आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
