भांगरभूंय | प्रतिनिधी
खांडोळें सरकारी म्हाविद्यालयान गोंय विद्यापिठाचे आंतरम्हाविद्यालयीन दादल्यांचे ज्युडो सर्तीचें सांघीक वस्तादपण जोडलें. ताळगांव पठारा वयल्या विद्यापिठाच्या ज्युबिली हॉलांत जाल्ले सर्तींत फर्मागुडीच्या पीईएस आरएसएन म्हाविद्यालय आनी मिरामारच्या व्ही एम साळगांवकार कायदो म्हाविद्यालय हांकां जोड रितीन सांघीक उपवस्तादपण फावो जालें.
सर्त वट्ट आठ वजन गटांत जाली आनी तातूंत 88 खेळगड्यांनी वांटो घेतिल्लो. इनामां भेटवण सुवाळ्याक नावेलीच्या शारिरीक शिक्षण आनी खेळां संचालक डॉ. फ्रान्सीस लोबो, गोंय खेळां प्राधिकरणाचे ज्युडो प्रशिक्षक मीर डायस हे उपस्थीत आशिल्ले.
निकालः 56 कील वजन गटः संगप्पा गौडर (सीईएस-कुंकळ्ळी), देवराज लमाणी (रोझरी-नावेली), अखिलेश कुलवाह आनी महेश चांदरगी (दोगूय डीएम्स-आसगांव), 60 कील वजन गटः दर्शन नायक (पीईएस-फर्मागुडी), ब्लेज डिसोझा (खांडोळें), अॅस्बन कार्दोझ (रोझरी-नावेली) आनी आदित्य साहानी (एस एस धेंपो-कुजिरा).
66 कील वजन गटः निखील परिट (पीईएस-फर्मागुडी), अर्जुन सोनुर्लेकार (डीएम्स-आसगांव), हर्ष झोरे (गोंय मल्टिफॅकल्टी) आनी सोहन नायक (सेंट झेवियर्स-म्हापशें).
73 कील वजन गटः मयूर माईणकार (खांडोळें), सौरभ गोवेंकार (पदव्युत्तर-गोंय विद्यापीठ), एरिक्सन फिएगेदो (रोझरी-नावेली) आनी एलीप प्रवीण (खांडोळें).
81 कील वजन गटः ध्रुव कुमार (व्ही एम साळगांवकार कायदो-मिरामार), नामदेव गावडे (सांखळी), अनुज भारद्वाज (श्रीदोरा काकुलो-म्हापशें) आनी विनायक शर्मा (पीईएस-फर्मागुडी).
90 कील वजन गटः सुयश शिर्के (खांडोळें), साईश कोलवाळकार (डीएम्स-म्हापशें), अविनाश साळगांवकार (व्ही एम साळगांवकार कायदो-मिरामार) आनी ब्राहॅम रॉड्रिग्स (रोझरी-नावेली).
100 कील वजन गटः आकाश माडोळकार (जी आर कारे कायदो-मडगांव), खुदबुद्दीन कळ्ळोली (रोझरी-नावेली), संजीत डायस (धेंपे-मिरामार) आनी साहिल खानविलकार (श्री दामोदर-मडगांव).
100 वयलो कील वजन गटः अद्वैत कुमार (व्ही एम साळगांवकार कायदो-मिरामार), वरुण कळंगुटकार (खांडोळें), यश्वनी च्यारी (खांडोळें) आनी अभिषेक परब (श्रीदोरा काकुलो-म्हापशें).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
