भांगरभूंय | प्रतिनिधी
फोंडें: राष्ट्रीय महामार्गार खांडेपारा धोक्याचे सुवातेर परत एक फावट अपघात जालो. हातूंत चिर्यांची येरादारी करपी ट्रक उमथो पडून चालक जखमी जालो. हो अपघात आयतारा सकाळीं घडलो.
हे विशीं चड म्हायती प्रमाण, चिर्यांची येरादारी करपी ट्रक फोंड्यां वटेन वतालो. केरये सकाळीं धा वरांचेर जाल्ल्या ह्या अपघातांत ट्रक ड्रायव्हर जखमी जालो. ताका रोखडोच १०८ ऍम्बुलन्स आपोवन फोंडेंच्या हॉस्पिटलांत दाखल केलो.
ट्रकांतले चिरे रस्त्यार पडिल्ल्यान हांगची येरादारी कांय वेळ आडकून उरली. ह्या ट्रकान विजेच्या खांब्याक धपको दिल्ल्यान तो उमथलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
