भांगरभूंय | प्रतिनिधी
भोपाळ, खबरां संस्था ः मध्य प्रदेशांतल्या खांडवा शारांत उजो लागपाची घडणूक घडली. आतंकवादाच्या विरोधांत वचपी मशाल रॅलींत उजो लागलो. बायलां आनी ल्हान भुरगीं मेळून 50 जाण हुलपले. जाल्यार 12 जाण गंभीर जखमी जाल्यात. ही घडणूक घंटाघर चौकांत घडली. मिरवणुकेंत लागिल्ल्या उज्याचो व्हिडियो सोशल मिडियाचेर व्हायरल जाता.
खांडवा राष्ट्रभक्त वीर युवा मंचान हिंदुत्ववादी फुडारी अशोक पालीवाल हांच्या फुडारपणा खाला आतंकवादाच्या विरोधांत तरणाट्यांच्या जनमत कौला खातीर मशाल मोर्चो काडिल्लो. बिरेस्तारा सांजवेळा बाराबम चौकांत ही कार्यावळ जाली. कार्यावळीत हैदराबादाचे भाजपा आमदार टी राजा आनी अस्तंत बंगाल भाजपाची म्हणयारी आनी सर्वोच्च न्यायालयाची वकील नाजिया खान हांणी संबोधन केलें. तशेंच कार्यावळींत 26/11 आतंकवादी हल्ल्यांत शहीद जाल्ल्या जवानांक आर्गां ओंपली.
बिरेस्तारा सकाळीं रातीं इकरा वरांचेर घंटाघर चौकांत मशाल मिरवणूक पावली तेन्ना मशाली चौकांत दवरतना कांय मशाली सकयल पडून उजो लागलो. लांकडी सामान आनी कापराचो पिठो आशिल्ल्यान उजो आनीक पातळ्ळो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
