भांगरभूंय | प्रतिनिधी
भांगरभूंय । प्रतिनिधी
पेडणेः राष्ट्रीय म्हामार्ग 66 चेर मालपें जंक्शना कडलो रस्तो सामको धोक्याचो जाला. रस्त्याचे कुशीक आशिल्ली गटार कोसळ्ळां. जमनीपोंदच्यान वीज केबल्स घालपा खातीर खणल्ल्या ह्या रस्त्या वयल्यान पावसाचें उदक व्हांवपाक लागल्ल्यान खडी रस्त्याचेर आयिल्ल्यान वाहना व्हरपाक कुस्तार जाता.
वीज केबल घालपा खातीर खणल्लो व्हो रस्तो सारको पुरवोंक नाशिल्ल्यान पावसाच्या उदकान फातर आनी खडी रस्त्यार आयल्या. पेडणे आनी मोरजी पंचायत वाठारातले रस्ते लेगीत धोक्याचे जाल्यात. जमनीपोदच्यान वीज केबली घालपा खातीर फोडल्ले रस्ते सारके करूंक नाशिल्ल्यान ही परिस्थिती जाल्या.
दाभोलकार वाडा, गावडीवाडा जंक्शन रस्त्या वयल्यान पावसाचें उदक व्हांवन वता. कुशीकचे दोंगुल्ले वयले ल्हान फातर व्हांवन येवन रस्त्यार पडल्यात. तांचे वयल्यान दुचाकी व्हरपाक सामके त्रास जातात. बांदकाम खात्यान वेळार उपाय येवजण अपघात जावचे पयलीं हे रस्ते सारके करचे अशी थळाव्या लोकांनी मागणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
