भांगरभूंय | प्रतिनिधी
नवी दिल्ली, खबरां संस्था: खंयचोय गुन्यांव घडल्यार ताचे तपासणे खातीर राज्य सरकारान सक्तवसुली संचालनालयाक (ईडी) मजत करची, कारण हातूंत कांयच लुकसाण ना असो सल्लो सर्वोच्च न्यायालयान तमिळनाडू सरकाराक दिलो.
‘ईडी’न तमिळनाडूंत बेकायदो रेंव उसपपाच्या प्रकरणा कडेन संबंदीत अर्थीक गुन्यांवांच्या तपासा खातीर वेल्लोर, तिरुचिरापल्ली, करुर, तंजावर आनी अरियालूर हांगच्या जिल्होधिकार्यांक समन्स दिला. ह्या समन्साक स्थगिती दिवची अशी मागणी करून संबंदीत अधिकारी आनी राज्य सरकारन मद्रास उच्च न्यायालयांत याचिका दाखल केली. उपरांत उच्च न्यायालयान त्या समन्सांक स्थगिती दिली. ‘ईडी’न उच्च न्यायालयाच्या आदेशाक सर्वोच्च न्यायालयांत आव्हान दिलें.
‘ईडी’चे याचिकेचेर फाटल्या सप्तकांत जाल्ले सुनावणे वेळार, ‘‘सर्वोच्च न्यायालयान उच्च न्यायालयांत याचिका कित्याक दाखल केली, जिल्हाधिकार्यांक कांय प्रस्न विचारल्यार राज्य सरकार अस्वस्थ कित्याक जालें?’’ अशे प्रस्न राज्य सरकाराक विचारिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
