भांगरभूंय | प्रतिनिधी
गृह खातें योग्य ती कारवाय करताच पणजी : लोकांक क्षुल्लक कारणा खातीर रस्त्यार देंवपाची संवय जाल्या. गृह खातें योग्य ती कारवाय करीत आसता. हाका लागून लोकांनी क्षुल्लक कारणा खातीर रस्त्यार देंवचे न्हंय, अशें आवाहन मुख्यमंत्री डॉ. प्रमोद सावंत हांणी केले.
म्हापशें – एकतानगर हांगा विद्युत रोशणाये वेल्यान हिंदू बायलेन मुस्लिम लोकांक गाळी घातिल्ल्यान आयतारा तणाव निर्माण जालो. हिंदू बायलेन पुलीस स्टेशनांत माफी मागिल्ल्यान प्रकरण निवळले. हे फांटभुयेर उलयतना मुख्यमंत्र्यांनी हे आवाहन केला.
म्हापशें – एकतानगर हांगा आयतारा तणाव निर्माण जालो. पुलिसांनी बायलेक ताब्यात घेवन योग्य ती कारवाय केली. तशेंच वास्को हांगा लेगीत धर्मीक भावना दुखावपा खातीर एकल्याक अटक केली. अशें तरेच्या घडणुकांचेर गृह खातें कारवाय करीत आसता. हाका लागून लोकांक रस्त्यार देंवपाची गरज ना, अशें मुख्यमंत्र्यांनी म्हणलें.
म्हापशें – एकतानगर हांगा मशिद समितीन रोशणाय करून तकटे लायिल्ले. ह्या तकट्यांक लागून हिंदू बायलां आनी मुस्लीमा मदीं वाद सुरू आशिल्लो. एके बायले आड गाळी घातिल्ल्याची कागाळ मुस्लिमानी म्हापशेें पुलिशेंत केली. हाका लागून वाद निर्माण जालो. म्हापशें पुलिसानी दोनूय गटा कडेन चर्चा करून हो वाद मिटयलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
