भांगरभूंय | प्रतिनिधी
कोण खरे मानचोना की हे दोनूय कलाकर गोंयचे न्हय आनी कोंकणी भाशेचो मात्तूय गंध नाशिल्ले म्हूण.
गोंयचो एक नामनेचो अष्टताशी कलाकार म्हणल्यार राजेंद्र तालक. हेर कितल्याच्या मळांचेर ताणें तोखणायेचीं कामां केल्यांत. पूण सिने मेळा वयलें ताचें काम मात सामकें अपूर्व आनी उच्च पातळेवेले जावन आसा. शीतू, अलिशा (इफ्फीतलो उत्कृश्ट फिल्म पुरस्कार आनी वैयक्तिक जायते पुरस्कार फावो जाल्लो सिनेमा.) अंतर्नाद, सावरीया डॉट.कॉम., ओ मारीया, रेनी डे, मिरांडा हाऊस अशा किल्ल्याशाच सिनेमा निर्मिती उपरांत आतां ताणें ‘क्लावदिया’ हो नवो ताल्ल सिनेमा लोकां मुखार हाडला. हो हो सिनेमा इतलो – इतलो सर्वांगसुंदर आसा की तो एकदांच पळोवन मनाची भूक भागना. म्हूण कितल्याशाच जाणांनी तो दोनदां पळयलो. जवळजवळ सगळीच जीण ह्या सिनेमा- नाट्य- शूटींगाच्या मळार घालयिल्लें. हांवूय बी एक नाट्य-सिने कलाकार आनी कला मोगी. पयले फावट तो सिनेमा पळयतकच हांवय त्या फिल्माच्या सामकें मोगांत पडलें आनी हांवें परत एकदां तो पळयलो…. आनीक एकदांय पळोवपाक हांव तयार आसां.
ह्या सिनेमाची प्रत्येक गजाल ही जणू शंभर टक्के तोखणाय करपा सारकी आसा. ताची अप्रतिम अशी फोटोग्राफी, डोळे दिपकावपी वेगवेगळीं लोकेशन्स, (दर्या- देगो- चर्ची) तशेंच भव्य अशी आदलीं घरां, तांतले सुबक अशें फर्निचर, एकूणच सगलें अप्रतिम चित्रीकरण आनी सगल्या कलाकारांचो ‘मोस्ट परफेक्ट’ असो अभिनय. कथा सुंदर- सादरीकरण अचूक- आह- शब्द उणे पडटले, अशें सगलेंच जणू ‘क्लासीक’.
सगळ्यांत म्हत्वाचें म्हणल्यार, हातलीं सगलीं कोकणी गीतां. ज्या गीतांचा आमच्या गोंयकारांच्या काळजांत ‘सुप्रीम’ अशें स्थान आसा. जीं गीतां आयकून आमी ल्हानांची व्हड जालीं आनी आजूनय तीं गीतां आमच्या ओंठार, काळजांत घट्ट रिगून बसल्यांत, ती म्हणल्यार, ‘धोल म्हज्या बाय’,‘मोगा जालें तें जांव’, ‘मोग तुजो कितलो आशेलो, क्लावदीया मोगाच्या आनी हेर.
आता सगळ्या कलाकारां विशीं- एक नामनेचो हिंदी अभिनेतो शिशीर शर्मा हांणी हातूंत इतलो सुंदर अभिनय केला, की तो सामको एक गायकार कसो तातूंत वावरला. गोंयकाराची जी म्हूण एक उल्लेखनीय – खास अशी ‘छबी’ आसा, ती तांणी तंतोतंत उबी केल्या. तशेंच मीरा वेलवणकर ही एक मराठी अभिनेत्री. तिणेंय बी नसोच सोबीत आनी तंतोतंत अभिनय केला. कोण खरे मानचोना की हे दोनूय कलाकर गोंयचे न्हय आनी कोंकणी भाशेचो मात्तूय गंध नाशिल्ले म्हूण.
गोंयचो एक फामाद कलाकार मुकेश घाटवळ हाणेंय बी इतलें सहजसुंदर काम केलां की me being, the Best Actress State Award Winner for film त्याग in the Film Festival, हांवें मनांत म्हणलें, ‘वा… ग्रेट रे तूं मुकेश, युवर अॅक्टींग इज जस्ट सुपर्ब, माका खुबूच आवडली’
गोंयची फामाद आनी मानेस्त गायिका सोनिया सिरसाट हांचो इल्लोसो पूण पर्फेक्ट असो अभिनय आसा.
ह्या फिल्मांतल्या दोन ल्हान, माणकुल्या कलाकारांची म्हाका अपुरबाय दिसली. तीं म्हणल्यार बाय मिनर्वा नवल नायक आनी मानस राजेंद्र तालक. तांची धीटपणा आनी अभिनयातलें परफेक्शन पळोवन फुडाराक हीं दोगांय जाणा अभिनय क्षेत्रांत चमकतलीं हातूंत दुबाव ना.
एकूणच सगलेच दृश्टीन हें फिल्म उच्च थरावेलें. सगल्या गोमकारां कडेन मागतां, तुमी हें फिल्म पळोवपाचेंच. मुद्दाम पळोवपाचेंच. कश्शेंय करून चूकोंवचें न्हय. तुमच्या मनाक खूब धादोसकाय मेळटली. दुबावूच ना. दोनूय शो एकदम हावसफुल्ल जाले. तिसरो शो आतां 27 फेब्रुवारीक मडगांव आनी 1 मार्चाक पणजे. सो प्लीज.
सौ. अमिता नायक सलत्री
96233 67906
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
