भांगरभूंय | प्रतिनिधी
भांगरभूंय । खबरां मेज
पणजी : ‘क्लब महिंद्रा’ ह्या महिंद्रा हॉलिडेज अँड रिसॉर्ट्स इंडिया लिमिटेडाच्या मुखेल ब्रँडा वतीन मसुरी आनी वार्काच्या थळाव्या लोकां मदीं शाश्वत इंधन- लाकूड वेवस्थापनाच्या प्रचाराचें काम सुरू आसा.
ह्या दोनूय गांवांतल्या लोकां मदीं अन्न शिजोवपाक शाश्वत आनी नितळ पद्दतींचो प्रसार करपाचे नदरेन ‘क्लब महिंद्रा’न ‘संभव फावंडेशन’ हे संस्थेच्या सहकार्यान जनजागृती मोहीम आंखल्या. ते वरवीं लोकांक स्टोव्ह दिवपाचें काम चालू जालां. सदच्या रांदपा खातीर ह्या स्टोव्हांचो वापर कसो करपाचो हें ह्या लोकांक शिकयतात. उत्तराखंडांतल्या मसुरी आनी गोंयांतल्या वार्का ह्या दोनूय गांवांनी क्लब महिंद्राचीं रिसॉर्टां आसात. ह्या गांवांनी हो प्रकल्प चालीक लायतले.
‘क्लब महिंद्रा’न ज्या 800 घरांनी स्टोव्हा सारको अन्न शिजोवपाचो शाश्वत उपाय दिला, थंय आतां मेरेन जळाऊ लाकडाचा उपेग करताले. कूक स्टोव्हाक लागून लोकांक फायदेशीर पर्याय मेळटा. तशेंच लाकुड नाशिल्ल्यान प्रदुशण कमी जातलें. आपले सरभोंवतणचे घटकांच्या उन्नती खातीर क्लब महिंद्रा सदांच वावुरता. तशेंच लोकांक कूक स्टोव्हाचें म्हत्वूय सांगता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
