भांगरभूंय | प्रतिनिधी
मुंबय, खबरां संस्था: जुलय म्हयन्यांत क्रेडीट कार्डा कडेन संबंदीत नव्या नेमां पसून ते आयटीआर फाइलिंग मेरेनच्या बदलांचो आसपाव आसा. तुमी अजून हीं कामां करूंक ना जाल्यार तीं वेळार करात. जुलयांत खंयचीं कामां बंद जावपाचीं आसात, जाचो तुमचेर सरळ परिणाम जातलो तें सविस्तरपणान जाणून घेवया.
पेटीएम वॉलेट नेम
पेटीएम पेमेंट्स बँक २० जुलय २०२४ दिसा शून्य आशिल्लें निश्क्रीय वॉलेट बंद करतलें आनी फाटल्या वर्सा वा ताचे परस चड काळांत वेव्हार ना तांचेय खातीर हो नेम लागू जातलो. पेटीएम पेमेंट्स बँकेच्या संकेतथळा प्रमाण, उपकार करून लक्षांत दवरात की शून्य उरिल्ले आनी फाटल्या १ वर्सा वा ताचे परस चड काळ वेव्हार नाशिल्ले सगळे वॉलेट २० जुलय २०२४ सावन बंद करतले. सगळ्या प्रभावीत वापरप्यां कडेन संपर्क करतले. वापरप्यांक तांचें वॉलेट बंद करचे पयलीं ३० दिसांची सुचोवणी दितले.
एसबीआय कार्ड क्रेडिट कार्डाचे नेम
एका दिसाळ्यांतले म्हायती प्रमाण, एसबीआय कार्डान जाहीर केलां, १ जुलय २०२४ सावन कांय क्रेडीट कार्डां खातीर सरकारी वेव्हारांचेर रिवॉर्ड पॉयंट्स साठोवप बंद करतलें.
आयसीआयसीआय बँक क्रेडीट कार्ड शुल्क
आयसीआयसीआय बँकेन १ जुलय २०२४ सावन विवीध क्रेडीट कार्ड सेवा सुदारपाची घोशणा केल्या. हातूंत सगळ्या कार्डांचेर (एमराल्ड प्रायव्हेट मेटल क्रेडीट सोडून) कार्ड बदलपाचो शुल्क रु. १०० वेल्यान २०० रु. मेरेन वाडयतले.
आयटीआर दाखल करपाची निमाणी मुजत
अर्थीक वर्स २०२३-२४ खातीर आयटीआर दाखल करपाची निमाणी मुजत ३१ जुलय २०२४ आसा. तशेंच सरकार विशिश्ठ परिस्थितींत तारखोय वाडयता. तुमकां निमाणे मुजती मेरेन आयटीआर भरपाक अपेस आयल्यार तुमी ३१ डिसेंबर २०२४ मेरेन उसरां दंडा सयत आयकर रिटर्न भरपाक शकता.
पीएनबी रुपे प्लॅटिनम डेबीट कार्ड
पंजाब नॅशनल बँकेन रुपे प्लॅटिनम डेबीट कार्डच्या सगळ्या प्रकारां खातीर लॉंज प्रवेश कार्यावळींतूय सुदारणा केल्या. नवे नेम १ जुलय २०२४ सावन लागू जातले. हातूंत दर तीन म्हयन्यांत १ (एक) देशा खाला विमानतळ/रेल्वे लॉंज प्रवेश आनी दर वर्सा २ (दोन) आंतरराष्ट्रीय विमानतळ लॉंज प्रवेशांचो आसपाव आसा.
सिटी बँक क्रेडीट कार्ड
एक्सिस बँकेन सीटीबँक क्रेडीट कार्ड गिरायकांक क्रेडीट कार्ड खात्यां सयत सगळे संबंद स्थलांतरीत करपा विशीं सुचयलां. जे १५ जुलय २०२४ मेरेन पुराय जावपाची अपेक्षा आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
