भांगरभूंय | प्रतिनिधी
मुंबय, खबरां संस्था ः देशांत प्लास्टीक पयशांचें (Currency of plastic money) चलन वर्सुकी नेटान वाडले. पूण दर म्हयन्याक तें उणे जावपाक लागलें. रिझर्व्ह बँकेच्या आंकड्यां प्रमाण जानेवारींत क्रेडीट कार्डाचेर वर्सुकी खर्च 30.3 टक्क्यांनी वाडून 1.7 लाख कोटी रुपया जालो. नव्या वर्साच्या पयल्या म्हयन्यांत डिसेंबर 2023 वर्साच्या तुळेंत हो खर्च फकत 0.8 टक्क्यांनी वाडलो. आरबीआयन क्रेडीट कार्ड रिणाचे नेम खर केल्यात. फाटल्या म्हयन्यांत सरासरी क्रेडीट कार्डाचो खर्चूय फाटल्या वर्सा जानेवारीच्या तुळेंत सुमार 8 टक्क्यांनी वाडून 16,769 रुपया जालो. पूण डिसेंबर 2023 च्या तुळेंत जानेवारींत सरासरी खर्च 0.8 टक्क्यांनी उणो जाला. केंद्रीय बँकेच्या आंकडेवारी प्रमाण 31 जानेवारी मेरेन क्रेडिट कार्डाचो वट्ट आंकडो वर्सुकी सुमार 21% वाडून 9.95 कोटी जालो.
खर्चाक लागून 4 बँकांचें बाजार मोल देंवलें
क्रेडीट कार्ड खर्चाक लागून एचडीएफसी बँक, इंडस बँक, आरबीएल बँक आनी कोटक महिंद्रा बँकेचो बाजारांतलो वाटो किरकोळ उणो जालो. पूण तातूंत फकत एचडीएफसी बँक, एसबीआय आनी आयसीआयसीआय बँकेचो 63 टक्के वांटो आसा.
फकत 3 बँकांचो बाजारांतलो वाटो 56 टक्के
आंकडेवारीचे नदरेन क्रेडीट कार्ड बाजारांत एसबीआय, एचडीएफसी बँक आनी एक्सिस बँकेचो बाजारांतलो वाटो किरकोळ उणो जाला. पूण 56 टक्के वाटो फकत तीन बँकां कडेन एचडीएफसी, एसबीआय आनी आयसीआयसीआय कडेन आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
