भांगरभूंय | प्रतिनिधी
उदका खातीर कशे तळमळचें पडटा हें केपटावनांत पावश्यात तर कळटलें. तशें न्हांवपाक बंदी आसा. उदक घेवपाक पॅत्राॅल पंपार आमी कशे वतात, तशें वच्चें पडटा. सरकारान उदक दिवप आमकां शक्य ना, अशें जाहीर केलां. ही स्थिती आमचेर येवंक फावना म्हूण आमी जतनाय घेवन उदक वापरूंक आतां सावनूच सुरवात करूंया. रोखडेच पावसाचे दीस सुरू जातले, तें उदक लागीं करपाचो आमी यत्न करूंया.
ह्या लेखांत आमी पर्वरे पावट मारुया. थंय एक स्टुडियो आसा. रायन नांवाचो. जो तुमकां रेकाॅर्डिंग करपाक मजत करता. सृजनशील वावर करप्यांक हो स्टुडिओ म्हणल्यार वरदान. हांगा संगीत, पाॅडकास्टिंग सारकें उलोवप तुमी रेकाॅर्ड करपाक शकतात. ही सुविधा ह्या वाठारांतल्या लोकांक खूबच उपेगी थारतली, हें मतींत दवरूनच रायन ह्या साळगांवच्या अभियांत्रिकी शिक्षण घेतिल्ल्या आनी संगीत कलेची आवड आशिल्ल्या तरणाट्यान स्टुडियो घालपाचें धाडस केलां.
रायन लोबो हाचें शिक्षप गोंया भायरुच जालें. पूण तो मायभुंयेक विसरूंक ना. नोकरी, पयशे करपाच्यो जायत्यो संदी मेळ्ळ्यो, पूण तो ताचेर उदक सोडून गोंयांत आयलो. पर्वरे पयलो स्टुडियो सुरू केलो. स्वता रायन चित्रपट निर्मिती मळाचेर वावुरतालो. हेर स्टुडियोंनी ताणें काम केलें. पूण बरें काम करूनय ताका वायट अणभव आयिल्ल्यान तो गोंयांत पावलो. हांगाच्या तरणाट्यां मदीं रावन काम करपाचें थारायलें. स्टुडियो सोदपाक तो वचूंक ना. ताणें स्वताच तो उबो करून दुसऱ्यांक संद, रोजगार दिलो. ताच्या स्टुडियोंत उच्च दर्जाच्यो कार्यावळी रेकाॅर्ड जावंक शकतात. मुलाखत, चर्चा सारक्यो कार्यावळी रेकाॅर्ड करप शक्य आसा. रायन ह्या विशयाचेर कार्यशाळा दवरता, व्याख्यानां दिता. गोंयच्या नामनेच्या काॅलेजींनी वता. तो खडेगांव काणी सांगपी. देखून पाॅडकास्टाचें म्हत्व वेगळें सांगचें पडना. 2018 त रायन हाणें यत्न केले. आपले गॅरेजीच्या वाठारांत ताणें हो वावर सुरू केलो. मागीर सुवातेची अडचण जावंक लागली म्हूण तो पर्वरे पावलो. तेन्ना लग्न, काजार, मुलाखती, पाॅडकास्ट, संगीत, युट्यूब सारक्यो कार्यावळी ताणें केल्यो. हे खातीर तो सगले कडेन पावतालो. कामाचो व्याप वाडटकच ताणें नवे सुवातीर स्टुडियो सुरू केलो. इतलेंच न्हय, तर कांय जाणांक कामाक दवरले. खरें तर हें धाडस, पूण रायनान तें केलें, आतां मागणी वाडपाक लागली, तेन्ना ताका कायं कामगारांची गरज लागताली. तो सांगता, हांव एकलो सहज काम करूंक शकता. पूण म्हाका हेरांक तयार करपाक जाय आसलें.
आयज बऱ्या वावराक लागून ताचें नांव जालां, काम वाडलां. रायनाक चित्रपट निर्मितीचो अणभव, तशेंच गोंयां भायर जिणें गेल्ल्यान तो अणभव कामाक उपेगी पडटा. पर्वरे ताका जेनी पोर्टर हो अणभव तज्ञ मजत करता. क्रिएटर स्टुडियो ही ताचीच कल्पना म्हूण येता. हातूंत आतां तुमी संगीत अल्बम रेकाॅर्ड करूं शकतात. हो गोंयचो पयलोच पाॅडकास्टींग स्टुडियो. दर्जो राखून केल्लें काम हें ह्या स्टुडियोचें खाशेलपण. तुमकां रेकाॅर्डिंग करपाक आतां पयस वचपाची गरज ना. खेरीज तुमचें काम तुमी करपाक शकतात. तो तुमच्या वावराक मजत तर करताच, पूण कामाचे पयशे कशे उणे जातले, हाचोय विचार करता. सौदी अरेबियांतल्या हॅलिबर्टन कंपनींत तो खूश आशिल्लो. पूण एका प्रसंगान ताका गोंयांत हाडलो. पाॅडकास्ट क्रिएटर स्टुडियो सुरू करपाक तो मुखार सरलो. आयज तो स्वताच्यो पांयांचेर उबो आसा. हेरांक काम दिता.
वता वतां ः अंदूं धावेचो निकाल बेगीन लागलो. धा दिसां भितर पेपर तपासून जाले. चलयो चल्यां परस मुखार आसात, हें निकाला उपरांत दिसून आयलें. फुडल्या प्रवेशाक विद्यार्थ्यांक अडचण जावची ना. हरशी तपासणे खआतीर दोनूच केंद्रां आसतालीं, अंदूं तांच्या संख्येंत वाड केल्ल्यान शालांत मंडळाचें अभिनंदन.
प्रा रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
