भांगरभूंय | प्रतिनिधी
डॉ. निंबाळकर : विधानसभा वेंचणुकेंत कोणाच कडेन युती ना
भांगरभूंय । प्रतिनिधी
म्हापशें : भाजप हें मॉडर्न ब्रिटीश शासन आसा. ह्या अन्यायकारी सरकारा आड शहीद भगतसिंग, राजगुरू आनी सुखदेव ह्या सारक्या क्रांतीविरांचो आवाज जावपाक काँग्रेस कार्यकर्ते तयार आसात, अशें काँग्रेसीची प्रदेश प्रभारी डॉ. अंजली निंबाळकर हांणी सांगलें.
म्हापश्यां क्रांतीवीर चौकांत काँग्रेस सेवा दल आनी गट समिती वतीन आयोजीत शहीद दिसाचे कार्यावळींत शहीद क्रांतीविरांक आर्गां ओंपले उपरांत डॉ. निंबाळकर उलयताली. ह्या वेळार आदले उपमुख्यमंत्री अॅड. दयानंद नार्वेकार, आदले मंत्री एम. के. शेख, आदले मंत्री चंद्रकांत चोडणकार, महिला प्रदेशाध्यक्ष प्रतिक्षा खलप, अमरनाथ पणजीकार, विजय भिके, नगरसेवक सुधीर कांदोळकार, आनंद भाईडकार आनी हेर पदाधिकारी तशेंच कार्यकर्ते हाजीर आशिल्ले.
काँग्रेस कार्यकर्ते रस्तो तशेंच विधानसभेंत लोकांचो आवाज जावपाक तयार आसात. येता ते विधानसभा वेंचणुकेंत आमी कोणाच वांगडा युती करचे नात. काँग्रेसीक निश्चीत 25 ते 27 सुवातो मेळटल्यो. हे खेपे पक्षांतल्यान खंयचोच आमदार फुटचो ना, अशें डॉ. निंबाळकर हांणी स्पश्ट केलें. ह्या वेळार अमरनाथ पणजीकार आनी विवेक डिसिल्वा हांणी आपले विचार मांडले. गट अध्यक्ष अॅड. शशांक नार्वेकार हांणी येवकार दिलो जाल्यार सेवा दलाचे मुखेली राजन घाटे हांणी सुत्रसंचालन केलें आनी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
